މާލޭ ސިޓީ ކައުންސިލުން މާފަންނު ބޮޑުގޭގައި ތަރައްގީކުރި ޕާކިންގ ޒޯން މިއަދު ހަވީރު ހުޅުވައިފިއެވެ.
ޕާކިންގް ޒޯން ސަރަހައްދުގައި ބޭއްވުނު ރަސްމިއްޔާތެއްގައި ޒޯން ހުޅުއްވައިދެއްވީ މާލޭ ސިޓީގެ މޭޔަރ ޑރ.މުހައްމަދު މުއިއްޒުއެވެ.
ބޮޑުގޭ ޕާކިންގް ޒޯނަކީ ސައިކަލްތަކަށް ހާއްސަކޮށްގެން ތަރައްގީކުރެވުނު 175 ސައިކަލްގެ ޖާގަ އޮތް ޕާކިންގް ޒޯނެކެވެ. މި ޒޯނަށް ވަދެވޭނީ ހަނދުވަރީ ހިނގުމުންނެވެ. ބޮޑުގޭގައި ތަރައްޤީކުރެވުނު ޕާކިންގް ޒޯން ހުޅުވުމުން އެ ސަރަޙައްދުގައި އޮންނަ ހަނިގޯޅިއެއްކަމަށްވާ ދަކަނދާ މަގުގައި ޕާކްކުރާ ސައިކަލްތައް މި ޒޯނަށް ބަދަލުކޮށް ދަކަނދާ މަގުގައި ޕާކްނުކުރެވޭގޮތަށް ހަމަޖެއްސުމަށްވަނީ ނިންމާފައެވެ.
ބޮޑުގޭ ޕާކިންގް ޒޯނަކީ ތަން ޒީނަތްތެރިކުރުމަށް ޒުވާނުންގެ ހުނަރު ފެންނަގޮތަށް އެތަނުގެ ފާރުތަކުގައި ކުރަހައި ޒީނަތްތެރިކުރެވިފައިވާ ޕާކިންގ ޒޯނެކެވެ.
މާލޭގެ އެކި ސަރަޙައްދުތަކުގައި ޕާކިން ޒޯންތައް ތަރައްގީކުރަމުންގެންދާގޮތަށް ވަނީ ހަމަޖައްސާފައެވެ. އަގު ދީގެން ޕާކްކުރުމަށް 211 ޖާގައަށް ކުރިމަތިލުމުގެ ފުރުސަތުވަނީ ސިޓީ ކައުންސިލުން މިހާރު ވަނީ ހުޅުވާލާފައެވެ.
މިހާތަނަށް ކުރެވުނު މަސައްކަތުން 6000 އަށްވުރެ ގިނަ ވެހިކަލްތައް މަގުމަތިން ނަގައި ޕާކިންޒޯންތަކަށް ވަނީ ވެއްދިފައި ކަމަށް ސިޓީ ކައުންސިލުން ހާމަކުރެއެވެ.
