ހދ. އަތޮޅުގެ ރަށްތަކަށް ރައީސް އިބްރާހިމް މުހައްމަދާއި ސަރުކާރުގެ އިސް ވަފުދަކުން ކުރައްވަމުން ގެންދަވާ ދަތުރުފުޅުގައި ކުޅުދުއްފުށީ ސިޓީގެ ތިން ސްކޫލުގެ އިސް ވެރިންނާއި މިއަދު ބައްދަލު ކުރައްވައިފި އެވެ.
ރައީސް އޮފީހުން ބުނީ އެމަނިކުފާނު މިއަދު ބައްދަލު ކުރެއްވީ އދ. އަތޮޅު ތައުލީމީ މަރުކަޒާއި، އަފީފުއްދީން ސްކޫލުގެ އިތުރުން ޖަލާލުއްދީން ސްކޫލުގެ އިސް ވެރިންނާ އެވެ. މި ބަދަލުކުރެއްވުމުގައި އެޑިއުކޭޝަން މިނިސްޓަރު އައިޝަތު އަލީވެސް ބައިވެރިވެވަޑައިގެންނެވި އެވެ. ބައްދަލުވުން ބޭއްވީ އަފީފުއްދީން ސްކޫލުގަ އެވެ.
President @ibusolih meets senior officials of H.Dh. Atoll Education Center and Jalaluddin School and Afeefuddin School, in Kulhudhuffushi City pic.twitter.com/4xZFQbnd9C
— The President's Office (@presidencymv) July 17, 2021
ބައްދަލުވުމުގެ ކުރިން ރައީސް ވަނީ އަފީފުއްދީން ސްކޫލު ބައްލަވާލައްވައިފަ އެވެ. އަދި އެ ސްކޫލުން ލިބެންހުރި ހިދުމަތްތަކާއި ދަތުތަކުގެ އިތުރުން ސްކޫލު ހިންގުން ކުރިއަށް ދާގޮތުގެ ތަފްސީލު އެމަނިކުފާނާއި އެޑިއުކޭޝަން މިނިސްޓަރު ވަނީ އޮޅުންފިލުއްވައިފަ އެވެ.
ރައީސް ސޯލިހު އިއްޔެ ކުޅުދުއްފުއްޓަށް ވަޑައިގެންނެވިއިރު އެސިޓީގެ ކައުންސިލް މެމްބަރުންނާއި ވަނީ ބައްދަލު ކުރައްވައިފަ އެވެ. މީގެ އިތުރުން އަންހެނުންގެ ތަރައްގީއަށް މަސައްކަތް ކުރާ ކޮމިޓީއާވެސް ބައްދަލު ކުރެއްވި އެވެ. އަދި ކުޅުދުއްފުށީ ރީޖަނަލް ހޮސްޕިޓަލަށްވެސް އެމަނިކުފާނާއި ވަފުދު ޒިޔާރާތް ކުރެއްވި އެވެ.
ރައީސް ސޯލިހުގެ އަރިހުގައި އެމަނިކުފާނުގެ އަނބިކަނބަލުން ފަޒްނާ އަހުމަދުވެސް ބައިވެރިވެވަޑައިގަންނަވަ އެވެ. މީގެ އިތުރުން އެޑިއުކޭޝަން މިނިސްޓަރާއި ފޮރިން މިނިސްޓަރު އަބްދުﷲ ޝާހިދުވެސް ބައިވެރިވެވަޑައިގަންނަވަ އެވެ. އަދި ހެލްތު މިނިސްޓަރު އަހުމަދު ނަސީމްއާއި އިކޮނޮމިކް މިނިސްޓަރު ފައްޔާޒު އިސްމާއީލުގެ އިތުރުން ހައުސިންގް މިނިސްޓަރު މުހައްމަދު އަސްލަމްވެސް ވަނީ ރައީސްގެ އަރިހުގައި ވަޑައިގެންފަ އެވެ.
މަނިކުފާނު އިސްތިއުފާ ދޭކަށް ނުވޭތޯ އަދިވެސް