މިރޭގެ އެމްޑީޕީ ގައުމީ މަޖިލީހުގައި ކުއްލި ނުރައްކާ އިއުލާންކުރުން ހުށަހެޅުމަށް ގޮތް ނިންމުމަށް މަސައްކަތް ކުރަން ފަށައިފިއެވެ.
އެގޮތުން މިރޭ ރައީސް ނަޝީދު ހުށަހަޅުއްވާ ގަރާރު ކަމަށް ބުނެ މިހާރު ސޯޝަލް މީޑިއާގައި ދައުރުވަމުންދާ ލިޔުމުގައި ވާގޮތުން މިރޭގެ ބައްދަލުވުމުގައި ކުއްލި ނުރައްކާ އިއުލާން ކޮށް ޓެރަރިސްޓުން ހައްޔަރު ކުރުމުގެ ފުރުސަތު މޯލްޑިވްސް ޕޮލިސް ސާރވިސް އަށް ދިނުމަށް އެމްޑީޕީ އިގުރާރު ވުމަށް ނިންމުމަށް ހުށަހަޅާނެ ކަމަށެވެ.
އެމްޑީޕީ ގައުމީ މަޖިލީހުގެ މެމްބަރުންނަށް މިއަދު މެންދުރުފަހު ވަނީ ބައްދަލުވުން އޮންނާނެކަމަށް ބުނެ މެސެޖެއް ފޮނުވައިފަ އެވެ. އެގޮތުން ބައްދަލުވުން އޮންނާނީ މިރޭ 9:00 ގައި ޒޫމް މެދުވެރިކޮށް ކަމަށް މެސެޖުގައި ވަނީ ބުނެފަ އެވެ.
މިރޭގެ ބައްދަލުވުމުގެ އެޖެންޑާގައި ވަނީ ދިވެހި ފުލުހުންގެ ހިދުމަތުންނާއިި، ޕްރޮސިކިއުޓަރ ޖެނެރަލްގެ އޮފީސް (ޕީޖީ) އިން ރޭ ބޭއްވި ނޫސްވެރިންގެ ބައްދަލުވުމުގައި ހާމަކުރި މައުލޫމާތުގެ މައްޗަށް، ސަރުކާރުން އަމަލުކުރަންވީގޮތްކަމަށް އެމްޑީޕީން ދެކޭގޮތް ހާމަކުރުން ތާވަލުކޮށްފަ އެވެ. އިތުރު ކަމެއް އެޖެންޑާ ކޮށްފައެއް ނުވެ އެވެ.
