ކޮވިޑް ޖެހިގެން ރާއްޖެއިން ނިޔާވި މީހުންގެ 80 އިންސައްތަ މީހުންނަކީ ވެކްސިން ނުޖަހާ މީހުން ކަމަށް ޑރ ނަޒްލާ ރަފީގް ވިދާޅުވެއްޖެއެވެ.
މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުން ޑރ ނަޒްލާ ވިދާޅުވީ، މެއިމަހުގެ ތެރޭގައި ރާއްޖެއަށް ކޮވިޑް ފެތުރުނު މިންވަރަށް ކޮވިޑް ބަލި މަޑުކަން ފެތުރުނަ ނުދިނުމަށްވެސް އާބާދީގެ ވެކްސިންޖެހޭ އުމުރުގެ އެންމެން ވެކްސިން ޖަހަންޖެހޭ ކަމަށެވެ.
މިހާތަނަށް ރާއްޖެއިން ވެކްސިންގެ ދެ ޑޯޒް ފުރިހަމަ ކޮށްފައިވަނީ 261،605 މީހުންނެވެ.
މުޅި ރާއްޖެއިން ވެކްސިން ޖަހާފައިވަނީ 321،429 މީހުންނެވެ.
މިއަދުން ފެށިގެން ސެނެހިޔަ ހޮސްޕިޓަލުންވެސް ސިނަފާމް ވެކްސިންގެ ދެވަނަ ޑޯޒް ވަނީ ޖަހައިދޭން ފަށާފައެވެ. ރާއްޖޭގައި މިހާތަނަށް ވެކްސިން ޖެހޭ އާބާދީގެ 72.97 އިންސައްތަ މީހަކު ވަނީ ވެކްސިންގެ ފުރަތަމަ ޑޯޒް ފުރިހަމަކޮށްފައެވެ. އަދި 59.07 އިންސައްތަ މީހަކު ވަނީ ވެކްސިންގެ ދެވަނަ ޑޯޒް ފުރިހަމަކޮށްފައެވެ.
