އުރީދޫއިން ބާއްވާ އަތޮޅު ދުވުމުގައި ބައިވެރިވެ މެޑަލްއާއިއެކު ނަގާ ފޮޓޯ ސޯޝަލް މީޑިއާގައި ޝެއާކޮށްގެން އިނާމު ހޯދުމުގެ ފުރުސަތު މިއަދު ހުޅުވާލައިފި އެވެ.
ރާއްޖޭގެ ހުރިހާ ހިސާބެއްގައި ވާޗުއަލްކޮށް ކުރިއަށް ގެންދާ މި ދުވުން އޮންނާނީ މިމަހުގެ 1 ވަނަ ދުވަހުން 7 ވަނަ ދުވަހުގެ ނިޔަލަށެވެ. މި ދުވުމުގައި 5 ކިލޯމީޓަރު ދުވެގެން ނުވަތަ 10 ކިލޯމީޓަރު ދުވެގެން ވެސް މެޑަލް ލިބޭނެ އެވެ. ބޭނުންވާނަމަ ދެ ކެޓެގަރީގައިވެސް ބައިވެރިވެވޭނެ އެވެ.
އިނާމު ހޯދަން ބޭނުންވާ ފަރާތްތަކަށް އުރީދޫއިން ފުރުސަތު ހުޅުވާލާފައިވާއިރު އެކަމަށްޓަކައި ޖެހެނީ ދުވުން ފުރިހަމަ ކުރުމުން ލިބޭ ޑިޖިޓަލް މެޑަލްއާ އެކު ނަގާ ފޮޓޯ ooredooatolhudhuvun# ޖަހާފައި ޝެއާކުރާށެވެ. އަދި އެކައުންޓް ޕަބްލިކް ކުރުމަށް ފަހު މި ހޭޝްޓެގް ބޭނުންކޮށްގެން ފޭސްބުކް، ޓްވިޓާ ނޫނީ އިންސްޓަގްރާމުން ފޮޓޯ ޝެއާކުރާ އިރު އުރީދޫ މޯލްޑިވްސް ވެސް ޓެގް ކުރަން ޖެހެ އެވެ.
Runners! If you have already completed your run, post your Digital Medal & stand a chance to WIN an exciting gift.
✨ One-month FREE membership from RAGE -HIIT Gym
✨Pizza of your choice from @pizzakitchenmv
✨Gift pack from @LePerfumeMV pic.twitter.com/PuQesPZV8g— Ooredoo Maldives (@OoredooMaldives) August 4, 2021
ފޮޓޯ ޝެއާކޮށްގެން އިނާމު ހޯދޭ މި ހަރަކާތުގައި ބައިވެރިވެވޭނީ މިމަހުގެ 9 ވަނަ ދުވަހުގެރޭ 11:59 އަކަށެވެ. އުރީދޫއިން ބުނީ ފޮޓޯ ޝެއާކުރާ ފަރާތްތަކަށް ލިބޭނެ އިނާމުތަކަކީ؛
- - މަމަކްއެމްވީ އިން ދެ މީހަކަށް ކެވޭ ޑިނާ ވައުޗާ
- - ލަ ވޭރާ ޕިއްޒޭރިއާއިން އެއް ޕިއްޒާ އަދި ދެ މީހުންގެ ޑްރިންކްސް
- - ރޭޖް ޖިމުން އެކަކަށް އެއް މަސް ދުވަހުގެ ޖިމް މެމްބާޝިޕް
- - ޕިއްޒާ ކިޗަން އިން ޕިއްޒާއެއް
- - ލެ ޕާފިއުމް އިން ގިފްޓް ޕެކެއް
އުރީދޫ އަހަރީ ދުވަހާއި ދިމާކޮށް އަތޮޅު ދުވުން ބާއްވަން ފެށީ މިދިޔަ 2020 ވަނަ އަހަރު އެވެ. ވާޗުއަލްކޮށް ބާއްވާ މި ދުވުމުގައި ބައިވެރިވުމަށް ނައިކީ ރަން، ސްޓްރާވާ އެޕް، ގާމިން ކަނެކްޓް، ރަންޓާސްޓިކް ނޫނީ ރަންކީޕާ އެޕް ފަދަ ޓްރެކާ އެޕަކުން އެ މީހަކު ދުވި ރޫޓްގެ ފޮޓޮއެއް ޝެއާކުރަން ޖެހެ އެވެ.
