ފިނޭންސް އިން ބުނީ ރާއްޖެއިން ބޭރުގައި ތައުލީމު ހާސިލުކުރަމުންދާ ދަރިވަރުންނށް ބޭންކް އޮފް މޯލްޑިވސްގެ ކްރެޑިޓް ކާޑް އަދި ޑެބިޓް ކާޑުތަކުގެ ޑޮލަރު ލިމިޓް އިތުރުކުރުމުގެ ގޮތުން، ބީއެމްއެލް، މޯލްޑިވްސް މަނިޓަރީ އޮތޯރިޓީ (އެމް.އެމް.އޭ) އަދި މިނިސްޓްރީ އޮފް ހަޔާ އެޑިއުކޭޝަން، ލޭބަރ އެން ސްކިލް ޑިވެލޮޕްމެންޓާއެކު މިފަދަ ނިޒާމެއް އެކުލަވާލުމަށާއި، ވީހާވެސް އަވަހަށް މިސިޔާސަތު ތަންފީޒުކުރުމާ ގުޅޭގޮތުން މަޝްވަރާ ކުރެވުނުކަމަވެ.
" މި ސިޔާސަތު މިވަގުތު ތަންފީޒު ކުރުމުގައި ދަތިތަކެއް ހުރިކަން ފާހަގަވެ، ދިވެހިރާއްޖޭގެ މިވަގުތު ޑޮލަރު ޑިމާންޑް އަދި ހުރަސްތައް މިދަނީ ދެނެގަންނަމުންނެވެ." ފިނޭންސް މިނިސްޓްރީން ބުންޏެވެ.
އަދި ކާޑު ލިމިޓް އިތުރުކުރުމުގެ ފައިދާ ސީދާ ދަރިވަރުންނަށް ލިބޭނެކަން ޔަގީންކުރުމަށްޓަކައި، ރާއްޖެއިން ބޭރުގައި ތަޢުލީމު ހާސިލުކުރުމުންދާ ދަރިވަރުންގެ އަދާހަމަ ދަފްތަރެއް އެކުލަވާލުމުގެ މަސައްކަތް މިނިސްޓްރީ އޮފް ހަޔާރ އެޑިއުކޭޝަން، ލޭބަރ އެންޑް ސްކިލްސް ޑިވެލޮޕްމަންޓުން ކުރަމުންދާކަމަށް އެ މިނިސްޓްރީން ބުނެ އެވެ.
ރާއްޖޭގެ ރަސްމީ ރިޒާވް އިތުރުކުރުމަށާއި، ބޭންކިންގ ނިޒާމަށް މާރުކުރެވޭ ޑޮލަރުގެ ނިސްބަތް އިތުރުކުރުމަށްޓަކައި
މނިސްޓްރީ އާއި އެ.އެމް.އޭ އަދި ބޭންކުތަކުން ގުޅިގެން މަސައްކަތް ކުރަމުންދާކަމަށް ވެސް އެމިނިސްޓްރީން ބުނެ އެވެ.
