ދަރިވަރުންނަށް ވެކްސިން ދިނުމުގައި އެހީވުމަށް ސުކޫލް ހެލްތް އޮފިސަރުން ތަމުރީނު ކުރުމުގެ މަސައްކަތް އެޑިއުކޭޝަން މިނިސްޓްރީން ފަށައިފިއެވެ.
އެޑިއުކޭޝަން މިނިސްޓަރ ވިދާޅުވެފައިވަނީ ވެކްސިން ޖެހޭ އުމުރުފުރާގެ ކުދިންނަށް ވެކްސިން ޖެހުމުގެ ޕްރޮގްރާމް އަންނަ ހަފްތާގައި ފަށާނެ ކަމަށެވެ.
ކޮވިޑް ދިފާއު ވެކްސިން 12 އަހަރާއި 17 އަހަރާއި ދެމެދުގެ ކުދިންނަށް ދޭން ސަރުކާރުން ނިންމާފައިވީނަމަވެސް ދޭނީ ފައިޒާ ވެކްސިނެވެ. ވެކްސިން ޖެހުމަށް އެޑިއުކޭޝަނުން ބާރު އެޅިނަމަވެސް ވެކްސިން ޖެހުން މަޖުބޫރު ކުރުވާނެކަން އަދި މުޅިން ކަށަވަރެއް ނުވެ އެވެ. މީގެ ކުރިން މިނިސްޓަރ އައިޝަތު އަލީ ވިދާޅުވެފައިވަނީ، ބެލެނިވެރިން ސުކޫލަށް ވަންނައިރު ވެކްސިން ފުރިހަމަކޮށްފައި ތިބޭ ކަން ޔަގީން ކުރުމަށް ގްރީން ކާރޑް ހެދުމަށް އެޗްޕީއޭއާއި އެޑިއުކޭޝަން މިނިސްޓްރީ ގުޅިގެން މަސައްކަތްތައް ކުރަމުން އަންނަ ކަމަށެވެ. އަދި ވަރަށް އަވަހަށް މި ނިޒާމު ގާއިމު ކުރެވޭނެ ކަމަށެވެ.
އެމެރިކާ ސަރުކާރުން ވަނީ ދާދި ފަހުން އެއްލައްކައަށްވުރެ ގިނަ ވެކްސިން ރާއްޖެއަށް ހަދިޔާކޮށްފައެވެ.
