މިއަހަރުގެ މިހާތަނަށް ހަލައްކަ ފަސްދޮޅަސް ފަސްހާސް އެއް ސަތޭކަ ފަންސާސް ނުވަ ފަތުރުވެރިން ރާއްޖެ އަތުވެއްޖެއެވެ.
ޓުއަރިޒަމް މިނިސްޓްރީގެ ތަފާސް ހިސާބުތައް ދައްކާގޮތުން ނިމުނު 2020 ވަނަ އަހަރު ޖުމުލަ ރާއްޖެ އައިސްފައިވަނީ ފަސްލައްކަ ފަންސާސް ފަސްހާސް ހަތަރު ސަތޭކަ ނުވަދިހަ ހަތަރު ފަތުރުވެރިންނެވެ. މިމަހުގެ ފުރަތަމަ އެގާރަ ދުވަހު އެކަނިވެސް ވަނީ 52،792 ފަތުރުވެރިން ރާއްޖެ އައިސްފައެވެ. ޖުލައި މަހު ރާއްޖެ އައިސްފައިވަނީ 101،818 ފަތުރުވެރިންނެވެ.
މިހާރުވެސް ރާއްޖެ އަންނަ ޓުއަރިސްޓުންގެ 22.5 އިންސައްތަ އަކީ ރަޝިޔާ ފަތުރުވެރިންނެވެ. މިއަހަރުގެ ފުރަތަމަ ހަތް މަސް ނިމުނު އިރު ރަޝިޔާއިން އެކަނިވެސް ވަނީ 149،731 ފަތުރުވެރިން ރާއްޖެ އައިސްފައެވެ. ރާއްޖެ ޒިޔާރަތް ކުރާ 18.1 އިންސައްތަ ފަތުރުވެރިންނަކީ އިންޑިއާ މީހުންނެވެ. މިއަހަރުގެ މިހާތަނަށް އިްނޑިއާއިން ވަނީ 120.119 ފަތުރުވެރިން ރާއްޖެ އައިސްފައެވެ.
ކޮވިޑް19 އާއި ގުޅިގެން ދަތުރުފަތުރު ކުރުމަށް އައި ބޮޑު ބަދަލާއެކު ރާއްޖޭގެ ފަތުރުވެރިކަމުގެ ސިނާއަތަށް ބޮޑެތި ގެއްލުންތަކެއް ވީނަމަވެސް މިހާރު ވަނީ ކޮންމެވެސް ވަރެއްގެ ކުރިއެރުންތަކެއް އެ ސިނާއަތަށް އަންނަން ފަށާފައެވެ.
