ރައްޔިތުންގެ މަޖިލީހުގެ މިއަހަރުގެ އެންމެ ފަހު ދައުރުގެ ޖަލްސާތައް މާދަމާ ފަށާނެ ކަން މަޖިލީހުގެ އިދާރާއިން ހާމަކޮށްފިއެވެ.
އެގޮތުން މިހާރު ވަނީ މާދަމާ އޮންނަ ރައްޔިތުންގެ މަޖިލީހުގެ ޖަލްސާގެ އެޖެންޑާވެސް އާއްމުކޮށްފައެވެ. މާދަމާ ފަށާ ޖަލްސާއަށް އެޖެންޑާކޮށްފައިވާ މުހިންމު ކަންކަމުގެ ތެރޭގައި ހުސްވެފައިވާ އިންފޮމޭޝަން ކޮމިޝަނަރުގެ މަގާމަށް އައްޔަނު ކުރެއްވުމަށް ރައީސުލްޖުމްހޫރިއްޔާ ފޮނުއްވާފައިވާ ނަންފުޅުތައް އިއްވުމަށް ވަނީ ހަމަޖެހިފައެވެ. އަދި މީގެ އިތުރުން އިލެކްޝަންސް ކޮމިޝަނުގެ ހުސްވެފައިވާ މެމްބަރުގެ މަގާމަށް އައްޔަން ކުރަން ރައީސް ފޮނުއްވާފައިވާ ނަންފުޅުތައް އިއްވާނެއެވެ.
ނަންތައް މަޖިލީހުގެ ތަޅުމަށް ހުށަހެޅުމަށްފަހު ކަމާބެހޭ ކޮމިޓީތަކަށް ފޮނުވާ އެފަރާތްތަކާއި އިންޓަރވިއުކޮށް މާރކްސް ދިނުމަށްފަހު ފާސް ކުރުމަށް މަޖިލީހުގެ ތަޅުމަށް އަނެއްކާ ގެންނާނެއެވެ. ދެވަނަ ދައުރަށް ފަހު މެންބަރުން ޗުއްޓީއަށް ގޮސްފައިވަނީ ޖުލައި މަހުގެ 13 ވަނަ ދުވަހުއެވެ.
ދެވަނަ ދައުރު ހިނގާނީ މޭ މަހުގެ 16 ވަނަ ދުވަހުން ފެށިގެން ޖޫން މަހުގެ ނިޔަލަށެވެ. ނަމަވެސް ދެވަނަ ދައުރު ދިގުލައިގެން ގޮސްފައިވަނީ ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް އަމާޒުކޮށް ދިން ބޮމުގެ ހަމަލާގެ އިންކުއަރީ ރިޕޯޓެއް ތައްޔާރުކުރުމަށެވެ.
