ވެކްސިން ޖެހުމުގެ ޕްރޮގްރާމް މިއަދު 15 ސުކޫލެއްގައި ފަށައިފިއެވެ.
12 އަހަރާއި 17 އަހަރާއި ދެމެދުގެ އުމުރުފުރާގެ ކުދިންނަށް ވެކްސިން ދިނުމަށް ކުރިއަށްގެންދާ ޕްރޮގްރަމްގެ ދަށުން މިއަދު އެކަނިވެސް 600 އެއްހާ ކުދިން ވެކްސިން ޖަހާނެކަމަށް ހެލްތު މިނިސްޓަރ އަހުމަދު ނަށީމް ވިދާޅުވިއެވެ. ވެކްސިން ޕްރޮގްރާމް ފެށުމާއި ގުޅިގެން މީޑިއާތަކާއި ވަހާކަދައްކަވަމުން ހެލްތް މިނިސްޓަރ ވިދާޅުވީ، ރާއްޖޭގެ އާބާދީގެ 90 އިންސައްތަ އަށް ވެކްސިން ދިނުމަށް ކުރިއަށް ގެންދާ ހާއްސަ ޕްރޮގްރާމްގެ ދަށުން މިމަސް ނިމުމުގެ ކުރިން އެ އަމާޒަށް ވާސިލްވާނެ ކަމަށް ގަބޫލުފުޅު ކުރައްވާ ކަމަށެވެ.
އަދި އުއްމީދު ކުރަނީ އުމުރުން ފަސް އަހަރުން މަތީގެ ކުދިންނަށް ވެކްސިން ދިނުމަށް ކުރަމުންދާ ޓެސްޓްތައް މިމަހުގެ ނިޔަލަށް ނިމޭއިރު، އެކަމަށްވެސް ރާއްޖެއިން ތައްޔާރުވެގެން ތިބުން ކަމަށް މިނިސްޓަރ ވިދާޅުވިއެވެ.
12 އަހަރާއި 17 އަހަރާއި ދެމެދުގެ ކުދިންނަށް ޖެހުމަށް ހަމަޖެހިފައިވަނީ ފައިޒަރ ވެކްސިންއެވެ.
މިހާތަނަށް ވެކްސިންގެ ދެ ޑޯޒް ފުރިހަމަ ކޮށްފައިވަނީ 294،364 މީހުންނެވެ.
މުޅި ރާއްޖެއިން ވެކްސިން ޖަހާފައިވަނީ 342،793 މީހުންނެވެ.
