13 އަހަރުގެ ކުއްޖާގެ މަރުގެ މައްސަލާއިގާ ދައުވާތައް ކުރުމަށް ކްރިމިނަލް ކޯޓަށާއި ޖުވެނައިލް ކޯޓަށް ހުށަހަޅައިފައިވާ ކަމަށް ޕީޖީ އޮފީހުން ބުނެފިއެވެ.
މި މައްސަލައިގައި އިބްރާހިމް ޒިހާންގެ މައްޗަށް ދައުވާ ކުރުމަށް ކްރިމިނަލް ކޯޓަށް ހުށަހަޅާފައިވަނީ ގަސްދުގައި މީހަކުމެރުން، ކުޑަކުއްޖެއްގެ ހަށިގަނޑުގައި ޖިންސީ ނިޔަތެއް އޮވެގެން ގަސްދުގައި އަތްލުން، ކުޑަކުއްޖަކަށް މަސްތުވާއެއްޗެއް ދީގެން، އެ ކުއްޖާއާއެކު، މީހަކު ޖިންސީ ޢަމަލެއް ހިންގުން، ކުޑަކުއްޖަކަށް ޖިންސީ ގޯނާކުރުމަށްޓަކައި އެކުއްޖާ ގްރޫމްކުރުން، ހުއްދަނޫން ގޮތުގައި މީހަކު ހިފެހެއްޓުން، މައްޔިތާގެ ބޭނުން ނަހަމަ ގޮތުގައި ކުރުން، ޖިނާއީ ކުށެއް ކުރުމުގައި ކުޑަކުއްޖަކު ބޭނުންކުރުމުގެ ކުށުގެ 3 ދަޢުވާ އެކު ޖުމްލަ 13 ދަޢުވާއެކެވެ.
މީގެ އިތުރުން ޖުވެނައިލް ކޯޓަށް އުމުރުން 18 އަހަރު ނުފުރޭ ކުއްޖެއްގެ މައްޗަށް ދައުވާ ކުރުމަށް ހުށަހަޅާފައިވަނީ ޤަސްދުގައި މީހަކުމެރުން. ހުއްދަނޫން ގޮތުގައި މީހަކު ހިފެހެއްޓުން، މައްޔިތާގެ ބޭނުން ނަހަމަ ގޮތުގައި ކުރުމުގެ ދައުވާތައް ކަމަށް ޕީޖީ އޮފީހުން ހާމަކުރެއެވެ.
ޖޫން މަހުގެ 20 ވަނަ ދުވަހުގެ ވަގުތެއްގައި ޢުމުރުން 13 އަހަރުގެ ކުއްޖަކާއެކު އެއްޖިންސުން ގުޅުންހިންގައި ރޭޕްކޮށްފައިވާ ކަމަށް ބުނެ އެވާހަކަ ދައްކާފައިވާތީ އެކުއްޖާ ރަހީނުކުރުމަށްފަހު އޭނާއަށް ޖިސްމާނީ އަނިޔާދީ މަރާލުމަށްފަހު ފޮއްޓެއްގެ ތެރެއަށްލައި ހުޅުމާލެ ފޭސް 2 ގެ އިރުއުތުރު ފަޅުތެރެއަށް އެއްލާލާފައި އޮތްވާ ވަނީ ފެނިފައެވެ.
