ސްރީލަންކާއިން ކޮވިޑް ބަލީގައި މަރުވި މީހުންގެ އަދަދު ހަ ހާހުން މައްޗަށް އަރައިފިއެވެ.
އެގޮތުން ރަސްމީ އިދާރާތަކުގެ ތަފާސް ހިސާބުތަކާއި ހަވާލާދީ ލަންކާގެ ބައެއް ނޫންތަކުގައިވާގޮތުން މިހާތަނަށް 6،985 މީހުން ވަނީ ކޮވިޑް ބަލީގައި އެގައުމުން މަރުވެފައެވެ. އަދި މިހާތަނަށް އެގައުމުން ކޮވިޑަށް ޕޮޒިޓިވްވެފައިވަނީ 3،81،812 މީޙުންނެވެ. ކޮވިޑްގެ ތިންވަނަ ރާޅެއް ސްރީލަންކާއަށް އަރާފައިމިވަނީ އެޕްރީލް މަހުގެ މެދުތެރޭގައި ސިންހަލަ އަދި ޓެމިލްގެ ނިއު އިޔަރ ފާހަގަކުރުމަށް ގިނަ ބަޔަކު އެއްވެ ހިންގި ހަރަކާތްތަކުން ކަމަށް އެގައުމުގެ ނޫސްތަކުން ބުނެއެވެ.
ސްރީލަންކާގެ ރައީސް ގޮތަބަޔާ ރާޖަޕަކްސާ ވިދާޅުވެފައިވަނީ ކޮވިޑްގައި އެގައުމުން މަރުވަމުންދާ މީހުންގެ ތެރޭގައި ގިނައީ ވެކްސިން ނުޖަހާ ތިބި މީޙުން ކަމަށެވެ. ސިއްހީ މާހިރުން ބުނަމުންދަނީ އެގައުމުގައި ކޮވިޑްގެ ޑެލްޓާ ވޭރިއަންޓް އެންމެ ބޮޑަށް ފެތުރެމުންދަނީ ކެޕިޓަލް ޑިސްޓްރިކްޓް އޮފް ކޮލަމްބޯގައި ކަމަށެވެ. އެގޮތުން އެ ތަނުންފެންނަ ކޮވިޑް ޖެހިފައިވާ މީހުންގެ 75 އަކީ ޑެލްޓާ ވޭރިއަންޓެވެ.
