13 އަހަރުގެ ކުއްޖާ މަރާލުމަށްފަހުން އެއްލާލި މައްސަލާގައި ހިމެނޭ އިބްރާހިމް ޒިހާންގެ ޝަރީއަތުގެ އަޑުއެހުމެއް މާދަމާއަށް ތާވަލްކޮށްފިއެވެ.
ކްރިމިނަލް ކޯޓުން ނ ލަންދޫ އިބްރާހިމް ޒިހާންގެ ޝަރީއަތުގެ އަޑުއެހުން ބާއްވަން ތާވަލްކޮށްފައިވަނީ މާދަމާ ހެނދުނު 11:00 އިރަށެވެ. 13 އަހަރުގެ ކުއްޖާގެ މަރުގެ މައްސަލާއިގާ ދައުވާތައް ކުރުމަށް ކްރިމިނަލް ކޯޓަށް ޕީޖީން ހުށަހަޅާފައިވަނީ މިމަހުގެ 20 ވަނަ ދުވަހުއެވެ.
މި މައްސަލައިގައި އިބްރާހިމް ޒިހާންގެ މައްޗަށް ދައުވާ ކުރުމަށް ކްރިމިނަލް ކޯޓަށް ހުށަހަޅާފައިވަނީ ގަސްދުގައި މީހަކުމެރުން، ކުޑަކުއްޖެއްގެ ހަށިގަނޑުގައި ޖިންސީ ނިޔަތެއް އޮވެގެން ގަސްދުގައި އަތްލުން، ކުޑަކުއްޖަކަށް މަސްތުވާއެއްޗެއް ދީގެން، އެ ކުއްޖާއާއެކު، މީހަކު ޖިންސީ ޢަމަލެއް ހިންގުން، ކުޑަކުއްޖަކަށް ޖިންސީ ގޯނާކުރުމަށްޓަކައި އެކުއްޖާ ގްރޫމްކުރުން، ހުއްދަނޫން ގޮތުގައި މީހަކު ހިފެހެއްޓުން، މައްޔިތާގެ ބޭނުން ނަހަމަ ގޮތުގައި ކުރުން، ޖިނާއީ ކުށެއް ކުރުމުގައި ކުޑަކުއްޖަކު ބޭނުންކުރުމުގެ ކުށުގެ 3 ދަޢުވާ އެކު ޖުމްލަ 13 ދަޢުވާއެކެވެ.
ޖޫން މަހުގެ 20 ވަނަ ދުވަހުގެ ވަގުތެއްގައި އުމުރުން 13 އަހަރުގެ ކުއްޖަކާއެކު އެއްޖިންސުން ގުޅުންހިންގައި ރޭޕްކޮށްފައިވާ ކަމަށް ބުނެ އެވާހަކަ ދައްކާފައިވާތީ އެކުއްޖާ ރަހީނުކުރުމަށްފަހު އޭނާއަށް ޖިސްމާނީ އަނިޔާދީ މަރާލުމަށްފަހު ފޮއްޓެއްގެ ތެރެއަށްލައި ހުޅުމާލެ ފޭސް 2 ގެ އިރުއުތުރު ފަޅުތެރެއަށް އެއްލާލާފައި އޮތްވާ ވަނީ ފެނިފައެވެ.
