އައްޑޫއިން މިއަދުވެސް 39 މީހުން ޕޮޒިޓިވްވި ކަމަށް އައްޑޫ އިކުއިޓޯރިއަލް ހޮސްޕިޓަލުން ހާމަކޮށްފިއެވެ.
އެގޮތުން މިހާރުވެސް އައްޑޫގައި ކޮވިޑް ޕޮޒިޓިވް 307 މީހުން އެބަތިބި ކަމަށް އެ ހޮސްޕިޓަލުން ހާމަކުރެއެވެ. މިހާތަނަށް ޖުމުލަ 1051 މީހުން ވަނީ އައްޑޫއިން މި ބައްޔަށް ޕޮޒިޓިވްވެފައެވެ. މިހާތަނަށް މިބަލިން ފަށޭހަވެފައިވަނީ 741 މީހުންނެވެ. މިވަގުތު 6 މީހަކަށް ދަނީ ހޮސްޕިޓަލުގައި އެޑްމިޓްކޮށްގެން ފަރުވާ ދެމުންނެވެ. އައްޑޫއިން މިބަލީގައި މިހާތަނަށް 3 މީހުން ވަނީ ނިޔާވެފައެވެ.
މިވަގުތު ކޮވިޑް19 އަށް ޕޮޒިޓިވް އެންމެ ގިނަ މީހުން ތިބީ އައްޑޫސިޓީ މަރަދޫގައެވެ. އެގޮތުން މަރަދޫގައި އެކަނިވެސް މިބަލީގެ 144 މީހުން އެބަތިއްބެވެ. ހިތަދޫގައި މިބަލީގައި 91 މީހުން ތިބިއިރު ފޭދޫގައި 22 މީހުން އެބަތިއްބެވެ. މީދޫގައި މިބަލި ޖެހިފައިވާ 29 މީހުން ތިބި އިރު މަރަދޫ ފޭދޫ އަދި ހުޅުދޫގައި ތިބީ މިބަލިޖެހިފައިވާ 10 މީހުންނެވެ.
