ރަނގަޅުގޮތް ބުނެދިނުމުން ޝަހުސު ކަތިލުމަކީ މިނިސްޓްރީން ކުރި ޒިންމާދާރުކަން ކުޑަ ކަމެއް ކަމަށް ކުރީގެ އިސްލާމިކް މިނިސްޓަރ ޑރ މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
ޝަހީމް މި ޓުވީޓް ކުރައްވާފައިވަނީ މިނިސްޓަރ އޮފް އެޑިއުކޭޝަން ޑރ އައިޝަތު އަލީ ޓެގް ކުރެއްވުމަށްފަހުއެވެ. ޑރ ޝަހީމް ވިދާޅުވީ، ރަނގަޅުގޮތް ބުނެދިނުމުން ޝަޚްސު ކަތިލުމަކީ އެޑިއުކޭޝަމް މިނިސްޓްރީން ހިންގެވި ވަރަށް ޒިންމާދާރުކަން ކުޑަ ކަމެއް ކަމުގައެވެ.
އެޑިއުކޭޝަން މިނިސްޓަރ މިއަދު ވިދާޅުވީ، ސުކޫލް ދަރިވަރުންގެ ގުރުއާން ފޮތްތަކުން ފާހަގަވެފައިވާ ކުށްތަކަކީ މީގެ އަހަރުތަކެއް ކުރީގައިވެސް އެފޮތްތަކުގައި ހުރި ކުށްތައް ކަމަށެވެ. ގްރޭޑް 2 އެއްގެ ފޮތް އެއީ 2015 އިން ފެށިގެން ބޭނުން ކުރަމުން އައި ފޮތް ކަމަށާއި އަދި އެފޮތަށް ބަދަލެއް ނުގެނެސް މިއަދާ ހަމައަށްވެސް ކިޔަވައިދެމުން ދާއިރު ގްރޭޑް 12 ގެ ފޮތް އެއީ 2018ގެ އޮކްޓޯބަރު މަހު ފާސް ކުރި ފޮތެއް ކަމަށާއި އެފޮތްތަކަށް ހަދަންވީ ގޮތް އަންނަނީ ބެލެނިވެރިންނަށް ކިޔައިދެމުން ކަމަށް މިނިސްޓަރ ވިދާޅުވިއެވެ.
