11 ހާހަށްވުރެ ގިނަ ސުކޫލް ދަރިވަރުން ވެކްސިންގެ ދެ ޑޯޒް ފުރިހަމަކޮށްފައިވާ ކަމަށް އެޑިއުކޭޝަން މިނިސްޓްރީން ހާމަކޮށްފިއެވެ.
މިނިސްޓްރީ އޮފް އެޑިއުކޭޝަނުން ބުނީ މިމަހުގެ 11 ވަނަ ދުވަހުގެ ނިޔަލަށް 11653 ދަރިވަރުން ވެކްސިންގެ ދެ ޑޯޒް ފުރިހަމަކޮށްފައިވާ ކަމަށެވެ. އަދި ވެކްސިންގެ ފުރަތަމަ ޑޯޒް މިހާތަނަށް ޖަހާފައިވަނީ 35152 ދަރިވަރުންނެވެ.
އުމުރުން 12 އަހަރާއި 17 އަހަރާ ދެމެދުގެ ކުދިންނަށް ފައިޒަރ ވެކްސިން ޖަހަން ފަށާފައިވަނީ އޮގަސްޓް މަހުގެ 15ވަނަ ދުވަހުއެވެ. މި އުމުރުފުރާގެ ކުދިންނަށް ޖަހަމުން އަންނަނީ ފައިޒަރ ވެކްސިންއެވެ. އެޑިއުކޭޝަން މިނިސްޓްރީން ބުނެފައިވަނީ މި އުމުރުފުރާގެ ވެކްސިން ޖެހޭ 40 ހާހެއްހާ ކުދިން ރާއްޖޭގައި އެބަތިބި ކަމަށެވެ.
ރާއްޖެއިން މިހާތަނަށް ވެކްސިން ޖެހި މީހުންގެ އަދަދަކީ 388،776 އެކެވެ. މިހާތަނަށް ދެ ޑޯޒް ފުރިހަމަ ކޮށްފައިވަނީ 319،080 މީހުންނެވެ.
