ފުލުހުންގެ ހިދުމަތާ އަލަށް ގުޅޭ ފުލުހުންނަށް އަމާޒުކޮށްގެން ޕޮލިސް އެކަޑަމީ ހިންގާ ޕޮލިސް އިނީޝިއަލް ޓްރެއިނިންގ ކޯހުގެ 33 ވަނަ ބުރު ދ. ވާނީގައި ފަށައިފިއެވެ.
މި ކޯސް ފެށުމުގެ ގޮތުން ދ. ވަނީ ޓްރެއިނިންގ ސެންޓަރުގައި މިމަހުގެ ބާރަ ވަނަ ދުވަހު ބޭއްވި ރަސްމިއްޔާތު ޝަރަފްވެރިކޮށްދެއްވީ ޕްރޮފެޝަނަލް ސްޓެންޑާޑްސް ކޮމާންޑްގެ ހެޑް އެސިސްޓަންޓް ކޮމިޝަނަރ އޮފް ޕޮލިސް އަހްމަދު އަބްދުއްރަޙުމާންއެވެ. މި ކޯހަކީ ހަތަރު މަސް ދުވަހަށް ކެމްޕަސް މޮޑިއުލްތައް އަދި ޕްރޮބޭޝަން 8 މަސް ދުވަހާއެކު ޖުމްލަ އެއް އަހަރުގެ ދުވަހުގެ މުއްދަތަށް ކުރިއަށް ގެންދާ ކޯހެއް ކަމަށް ފުލުހުން ހާމަކުރެއެވެ.
މި ކޯހުގައި އަންހެން 20 ފުލުހުންނާއި ފިރިހެން 70 ފުލުހުންނާއެކު ޖުމްލަ 90 ފުލުހުން ބައިވެރިވެއެވެ. ޕޮލިސް އިނީޝިއަލް ޓްރެއިނިންގ ކޯހުގައި ފިޒިކަލް ޓްރެއިނިންގ އާއި އޮޕަރޭޝަނަލް ސޭފްޓީ އެންޑް ޓެކްޓިކްސް އާއި ގާނޫނާއި ގަވާއިދުތަކުގެ އިތުރުން ފުލުހުންގެ މަސައްކަތްތަކާއި ގުޅުންހުރި ގިނަ މޮޑިއުލްތަކެއް ކިޔަވައިދޭނެއެވެ.
