ޝާހިދު މިއަދު ސާބިތުކޮށްދިނީ ބާތިލް ދީންތަކަށް ރާއްޖޭގައި ފުރުސަތު އޮތްކަން: އަދުރޭ

އަދުރޭ މިހެން ވިދާޅުވީ، އދ. ގެ އާންމު މަޖިލީހުގެ 76 ވަނަ ދައުރުގެ ރައީސްގެ މަގާމާއި ރޭ ހަވާލުވެވަޑައިގެންނެވި ރާއްޖޭގެ ފޮރިން މިނިސްޓަރު އަބްދުﷲ ޝާހިދު، އެމެރިކާގެ ނިއުޔޯކުގައި ހުންނަ ކްރިސްޓިއަނުންގެ ފައްޅިއެއްގައި ބޭއްވި އަޅުކަމުގެ ރަސްމިއްޔާތެއްގައި ބައިވެރިވެވަޑައިގެންނެވުމުންނެވެ. މި ރަސްމިއްޔާތަކީ އދ. ގެ އާންމު މަޖިލީހުގެ އާ ދައުރެއް ފެށުމާއި ގުޅިގެން، އދ އަށް ވެޓިކަން ސިޓީން ކަނޑައަޅާފައިވާ މިޝަނުން އިންތިޒާމުކޮށްގެން ބޭއްވި ރަސްމިއްޔާތެކެވެ. ވެޓިކަން ސިޓީއަކީ ކްރިސްޓިއަނުން ނުވަތަ ނަސޯރާ ދީނުގެ މީހުންގެ މައި ސިޓީ އެވެ. އެމީހުން ދެކެނީ ވެޓިކަން ސިޓީއަކީ އެމީހުންގެ މުގައްދަސް ބިން ކަމުގަ އެވެ.