އިތުރު ލައިސަންސެއް ހޯދުމަކާއި ނުލައި، 90 ދުވަހުގެ މުއްދަތަށް ދިވެހިރާއްޖޭގައި އެއްގަމު އުޅަނދު ދުއްވުމަށް ހުއްދަކުރެވޭ 26 ގައުމެއްގެ ނަން އާއްމުކޮށްފިއެވެ.
މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަނުން ބުނީ، އެއްގަމު ދަތުރުފަތުރުގެ ޤާނޫނުއަށް ގެނެވުނު 4 ވަނަ އިސްލާހުގެ 33 ވަނަ މާއްދާގެ (ނ) މިނިސްޓްރީން ގަބޫލުކުރާ ގައުމުތަކުން ދޫކޮށްފައިވާ ސައްހަ ލައިސަންސެއް އޮތް މީހުންނަށް، އެ ލައިސަންސް އޮތްހާ ހިނދަކު، މި ޤާނޫނުގެ ދަށުން އިތުރު ލައިސަންސެއް ހޯދުމަކާ ނުލައި، (90) ނުވަދިހަ ދުވަހަށް ދިވެހިރާއްޖޭގައި އެއްގަމު އުޅަނދު ދުއްވިދާނެއެވެ. އެގޮތުން މިލިސްޓްގައި ހިމެނެނީ، އަފްގާނިސްތާން، ބޫޓާން، އިންޑިއާ، ނޭޕާލް، ޕާކިސްތާން، ސްރީލަންކާ، ބުރޫނާއީ، ކެމްބޯޑިއާ، އިންޑޮނީޝިއާ، ލާއޯސް، މެލޭޝިއާ، މިޔަންމަރ، ފިލިޕީންސް، ސިންގަޕޫރު، ތައިލެންޑް، ވިއެޓްނާމް، ޖަޕާން، ޔޫކޭ، ޔޫއެސްއޭ، ޗައިނާ، ޔޫއޭއީ، ސްވިޓްޒަރލޭންޑް، ސައުދީއަރަބިއާ، ބެލްޖިއަމް، ޖާރމަނީ އަދި ބަންގްލަދޭޝްއެވެ.
އަވަށްޓެރި އިންޑިއާ، ބަންގލަދޭޝްގެ ގިނަ އަދަދެއްގެ މަސައްކަތްތެރިން ރާއްޖޭގައި އުޅެމުންދެއެވެ. އަދި މީގެ އިތުރުން ސްރީލަންކާގެ މަސައްކަތްތެރިންވެސް ރާއްޖޭގައި މަސައްކަތް ކުރަމުންދެއެވެ. މިއީ މި މީހުންނަށްވެސް ލިބިގެންދާނެ އިތުރު ފަސޭހައެއް ކަމަށް ބެލެވެއެވެ.
