ޖޭއެސްސީ ބަދަލު ކުރަން އިސްލާހުގައި ލިޔާނެ އެއްޗެއް މެނިފެސްޓޯގައި ނެތް ކަމަށް މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
މަޖިލީހުގެ ރައީސް ނަޝީދު ވިދާޅުވީ، ޖުޑީޝަލް ސާރވިސް ކޮމިޝަން އެކުލެވިގެންވާ ގޮތް އެމްޑީޕީން ވައުދުވި ގޮތަށް ބަދަލުކުރަން ޖެހޭ ކަމަށް ވެރިކަން ކުރާ އެމްޑީޕީގެ ގައުމީ މަޖިލީހުގެ ވަޓްސްއަޕް ގްރޫޕުގައި އެ ޕާޓީގެ ރައްޔިތުންގެ މަޖިލީހުގެ މެމްބަރަކު މިއަދު ވިދާޅުވުމުންނެވެ.
ނަޝީދު ވިދާޅުވީ، ޖޭއެސްސީ ބަދަލު ކުރަން މާދަމާވެސް އިސްލާހެއް ލާންވީ ކަމަށެވެ. ނަމަވެސް އެ އިސްލާހުގައި ލިޔާނެ އެއްޗެއް މެނިފެސްޓޯގައި ނެތް ކަމަށެވެ. އަދި މެނިފެސްޓޯގައި ހަމައެކަނި ބުނަނީ އެކުލެވޭ ގޮތް ބަދަލު ކުރުން އެކަނި ކަމަށް ނަޝީދު ވިދާޅުވިއެވެ.
މީގެ އިތުރުންވެސް ޖުޑީޝަލް ސާރވިސް ކޮމިޝަން އެކުލެވިގެންވާ ގޮތް ބަދަލު ކުރަން ޖެހޭ ކަމަށާއި ނަމަވެސް އެ ޖޭއެސްސީގައި ކޮންމެހެން ނަޝީދު އިންނަވަން ނުޖެހޭ ކަމަށް ވިދާޅުވެފައިވެއެވެ.
