ކޮވިޑް19ގެ ބަލިމަޑުކަމާއި ގުޅިގެން އެކި ކަންކަމުގައި ފްރަންޓްލައިންގައި މަސައްކަތްކުރާ މީހުންނަށް 177 މިލިއަން ރުފިޔާ ދޫކޮށްފައިވާ ކަމަށް ފިނޭންސް މިނިސްޓްރީން ހާމަކޮށްފިއެވެ.
މިދިޔަ ސެޕްޓެމްބަރު މަހުގެ 30ވަނަ ދުވަހުގެ ނިޔަލަށް ފިނޭންސުން ވަނީ 13،052 މީހަކަށް ފްރޮންޓްލައިން އެލަވަންސްގެ ގޮތުގައި 177.3 މިލިއަން ރުފިޔާ ދޫކޮށްފައެވެ. ފިނޭންސް މިނިސްްޓްރީއިން ހާމަކޮށްފައިވާ މައުލޫމާތުތަކަށް ބަލާއިރު ފްރަންޓްލައިންގައި މަސައްކަތް ކުރާ މީހުންގެ ތެރެއިން ހައި ރިސްކް މީހުންނަށް ދުވާލަކަށް 500 ރުފިޔާ ދޭއިރު،
މީޑިއަމް ރިސްކު މީހުންނަށް ދުވާލަކަށް 250 ރުފިޔާ އަދި ލޯ ރިސްކް މީހުންނަށް ދުވާލަކަށް 200 ރުފިޔާ ދޭ ކަމަށް ވަނީ ހާމަކޮށްފައެވެ.
މީގެ ކުރިން ވަނީ ފުލުހުންނާއި ސިފައިންގެ ތެރެއިންވެސް ގިނަ ބަޔަކަށް ފްރޮންޓްލައިން އެލަވަންސް ދޫކޮށްފައެވެ.
ހައި ރިސްކް ކެޓަގަރީގައި ހިމެނެނީ ކޮވިޑްއަށް ޕޮޒިޓިވްވާ މީހުންނާއި ދިމާވެ އެމީހުންނާއި ގުޅުން ހުރި އެކި މަސައްކަތްތަކުގައި ހަރަކާތްތެރިވާ ފަރާތްތަކެވެ.
