މާލެ މަސްމާރުކޭޓް 1 އަހަރު ދުވަހަށް ހިންގައިދޭނެ ބަޔަކު ހޯދަން އިއުލާންކޮށްފިއެވެ.
މާލޭ ސިޓީ ކައުންސިލުން ކޮށްފައިވާ އިއުލާންގައިވާ ގޮތުން އެ އިދާރާގެ ބެލުމުގެ ދަށުގައިވާ މާލޭ ރޯމަސްމާރުކޭޓް އަދި ފަސްޓް ފްލޯގަވާ 01 ފިހާރަ ހިމެނޭގޮތަށް 01 އަހަރު ދުވަހުގެ މުއްދަތަށް ކައުންސިލަށް ކުލިދައްކާގޮތަށް މާރުކޭޓު ކުއްޔަށް ހިންގާ ބަލަހައްޓާނެ ފަރާތެއް ހޯދަން ބޭނުންވާ ކަމަށެވެ.
އެހެންކަމުން މިކަމަށް ޝައުގުވެރިވާ ފަރާތްތަކުން މައުލޫމާތު ސާފުކުރުމަށާއި، އަގުހުށަހެޅުމަށް މާލޭ ސިޓީކައުންސިލްގެ އިދާރާގެ ޕްރޮކިއުމަންޓް ސެކްޝަނަށް ދިނުމަށް ވަނީ އެދިފައެވެ. ބީލަން ރަޖިސްޓަރީ ކުރުމާއި މައުލޫމާތު ސާފުކުރުމަށް މިމަހުގެ ފަސް ވަނަ ދުވަހަށް ވަނީ ހަމަޖައްސާފައެވެ.
އަދި އަގު ހުށަހެޅުމަށް މިމަހުގެ 11 ވަނަ ދުވަހަށް ވަނީ މާލެ ސިޓީ ކައުންސިލުން އިއުލާންކޮށްފައެވެ. އަގު ހުށަހެޅުމުގައި ބައިވެރިވެވޭނީ ދިވެހި ކުންފުނި، ޕާޓްނާޝިޕް، ލޯކަލް އިންވެސްޓްމަންޓް، ވިޔަފާރި ކުރުމުގެ ހުއްދަ ލިބިފައިވާ ފަރާތްތަކަށް ކަމަށް މާލެ ސިޓީ ކައުންސިލުން ހާމަކުރެއެވެ.
