ރައްޔިތުންގެ މަޖިލީހުގެ އިދާރާއިން ކަރަންޓް ކެނޑުމުގެ ސަބަބުން ރައްޔިތުންގެ މަޖިލީހުގެ ރައީސް މުހައްމަދު ނަޝީދު ބާއްވަން ތާވަލް ކުރެއްވި ޕްރެސް ކޮންފަރެންސް ކެންސަލްކޮށްފިއެވެ.
މަޖިލީހުގެ ކޮމިއުނިކޭޝަން ޑައިރެކްޓަރ ހަސަން ޒިޔާއު ކުރެއްވި ޓުވީޓެއްގައި ވިދާޅުވީ، މަޖިލީހުގެ އިދާރާއިން ކަރަންޓު ކެނޑުމާ ގުޅިގެން ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު މިއަދު 13:30 ގައި ބޭއްވުމަށް އިއުލާން ކުރެއްވި ޕްރެސް ކޮންފަރެންސް ކެންސަލްވެފައިވާ ކަމަށެވެ.
މާލޭގެ ބޮޑު ބަޔަކުން މިއަދު ވަނީ ކަރަންޓް ކެނޑިފައެވެ. ސްޓެލްކޯއިން ބުނީ ދިމާވި ޓެކްނިކަލް މައްސަލައަކާއި ގުޅިގެން މާލޭގެ ބައެއް ސަރަހައްދުތަކުން ވަނީ ކަރަންޓު ކެނޑިފައި ކަމަށެވެ. އެމައްސަލަ ހައްލު ކުރެވި މިހާރު ދަނީ ކަރަންޓު ދިނުމުގެ މަސައްކަތް ކުރެވެމުން ކަމަށްވެސް ސްޓެލްކޯއިން ހާމަކުރެއެވެ.
