ކޮވިޑްގައި ރާއްޖެއިން ދެ މީހަކު ނިޔާވެއްޖެއެވެ.
ހެލްތް ޕްރޮޓެކްޝަން އެޖެންސީން ބުނީ ރޭ ނުވަގަޑި ވިހި އެހާއިރު ނިޔާވެފައިވަނީ އަބުދުއްސަމަދު މެމޯރިއަލް ހޮސްޕިޓަލްގައި އެޑްމިޓްކޮށްގެން ފަރުވާދެމުންދިޔަ 81 އަހަރުގެ އަންހެނެއް ކަމަށެވެ.
މީގެ އިތުރުން ރޭ މެންދަމު އެއްގަޑި އެއްތިރީހުގައި ނިޔާވެފައިވަނީ 87 އަހަރުގެ ދިވެހި ފިރިހެނެކެވެ. މިމީހާއަކީ އައްޑޫ ކޮވިޑް މެނޭޖްމަންޓް ފެސިލިޓީގައި އެޑްމިޓްކޮށްގެން ބައްޔަށް ފަރުވާ ދެމުންދިޔަ މީހެކެވެ. ރާއްޖޭގެ އަތޮޅުތަކުން މިވަގުތު ކޮވިޑް ޖެހިފައިވާ އެންމެ ގިނަ މީހުން ތިބީ އައްޑޫ ސިޓީގައެވެ. އެގޮތުން މިހާރުވެސް 216 ބަލި މީހުން އެ ސިޓީގައި ތިބި އިރު އިއްޔެ އެކަނިވެސް ވަނީ 20 މީހަކު އެ ސިޓީން ބައްޔަށް ޕޮޒިޓިވްވެފައެވެ.
މިހާތަނަށް ރާއްޖެއިން މިބަލިޖެހިގެން ނިޔާވެފައިވާ މީހުންގެ އަދަދަކީ 237 އެކެވެ.
+1
+1
+1
+1
+1
+1
