ހުޅުމާލެ ފްލެޓްތަކުގައި ސޯލާ ޕެނަލް ހަރުކުރުމަށް ދިރާސާއެއް ކުރަނީ

އެޗްޑީސީން ބުނީ ހުޅުމާލެ 1000 ފުލެޓުގައި ސޯލާޕެނަލް ހަރުކުރުމުގެ މަސައްކަތް ކުރުމަށްޓަކައި، ބައެއް ފުލެޓުތަކުގެ ފުރާޅުގެ އިންސްޕެކްޝަނެއް ހެދުމަށް ‎ވަނީ ހަމަޖެހިފައި ކަމަށެވެ. އަދި އިންސްޕެކްޝަން ހަދާނީ ބްލޮކް 84، 91، އަދި 121 ގެ ފުރާޅުތަކުގައި 2021 އޮކްޓޯބަރު މަހުގެ 24، 25، އަދި 26 ވަނަ ދުވަހުގެ ހެނދުނު 9:00 އިން ހަވީރު 5:00 އާއި ދެމެދުގައި ކަމަށެވެ.

މި އިންސްޕެކްޝަން ކުރިއަށްގެންދާނީ ކްރޭނެއް ބޭނުންކޮށްގެން ކަމަށާއި އަދި އެއްވެސް ފުލެޓެއްގެ އެތެރެއަށް   އިންސްޕެކްޝަންޓީމުން ނުވަންނާނެ ކަމަށްވެސް އެޗްޑީސީން ހާމަކުރެއެވެ. މި މަސައްކަތުގެ ސަބަބުން އެއްވެސް ފަރާތަކަށް ‎ދިމާވެދާނެ ދަތިތަކަކަށް އެޗްޑީސީން ވަނީ މާފަށް އެދިފައެވެ.