އަންނަ ހުކުރު ދުވަހު އިދިކޮޅުން މާލޭގައި ހިނގާލުމެއް ބާއްވަން ނިންމައިފިއެވެ.
ނޮވެމްބަރު 5 ވާ ހުކުރު ދުވަހު އިދިކޮޅުން ބާއްވާ ހިނގާލުމަކީ "މިނިވަންކަމުގެ ހިނގާލުން" ނަމުގައި ބާއްވާ ސުލްހަވެރި ހިނގާލުމެއް ކަމަށް ހާމަކުރެއެވެ.
އެގޮތުން ހުކުރު ދުވަހު ހަވީރު 16:00 ގައި ޕީޕީއެމް އޮފީސް ދޮރުމަތިން ހިނގާލުން ފެށޭނެ ކަމަށް އެ ކޯލިޝަަނުން ބުނެއެވެ. އިދިކޮޅު ޕީޕީއެމް ޕީއެންސީ ކޯލިޝަނުން އަންނަނީ މިފަހަކަށް އައިސް ތަފާތު ނަން ނަމުގައި ހިނގާލުންތައް ބާއްވަމުންނެވެ. އަދި މިއިން ކޮންމެ ހިނގާލުމެއްގައިވެސް ގިނަ ބަޔަކު އަންނަނީ ބައިވެރިވަމުންނެވެ. އިދިކޮޅުން ވަނީ ނިމިގެން ދިޔަ ހަފްތާގައިވެސް ހިނގާލުމެއް ބާއްވާފައެވެ.
އެންމެ ފަހުން ޕީޕީއެމް ޕީއެންސީ ކޯލިޝަނުން ބޭއްވި ހިނގާލުމުގައި މި ދެ ޕާޓީގެ ލީޑަރޝިޕްގައި އުޅުއްވާ ގިނަ އަދަދެއްގެ ފަރާތްތައް ވަނީ ބައިވެރިވެފައެވެ.
