ސްޓެވޯ ބްރޭންޑްގެ ޖަނަރޭޓަރެއް އެސެމްބަލްކޮށް ބާޒާރަށް ނެރެން ސްޓެލްކޯއިން ތައްޔާރުވެއްޖެއެވެ.
ސްޓެލްކޯއިން ބުނީ އެ ކުންފުނިން އެސެމްބަލް ކުރާ ސްޓެވޯ ބްރޭންޑްގެ ޖަނަރޭޓަރުތަކުގެ އާމޮޑެލްއެއް މިހާރު ވަނީ އެސެމްބަލް ކުރެވި ބާޒާރަށް ނެރެން ތައްޔާރު ކުރެވިފައި ކަމަށެވެ. އެގޮތުން ސްޓެވޯ ބްރޭންޑްގެ STW500 މޮޑެލްގެ ފުރަތަމަ ޖަނަރޭޓަރުގެ ލޯޑް އަދި ފަންކްޝަން ޓެސްޓް ހަދާނިމި، މިހާރު ވަނީ ވ. ތިނަދޫއަށް ފޮނުވާލުމަށްޓަކައި ތައްޔާރު ކުރެވިފައި ކަމަށް އެކުންފުނިން ހާމަކުރެއެވެ.
މިއާއެކު މިހާރު ވަނީ ޖުމްލަ ހަތަރު މޮޑެލްގެ ޖަނަރޭޓަރު ވޯކްޝޮޕުން އެސެމްބަލް ކުރެވިފައި ކަމަށާއި އެއީ STW600، STW500، STW300 އަދި STW800 އެވެ. މި މޮޑެލްތަކުގެ ޖަނަރޭޓަރު ސެޓްތަކަށް އޯޑަރު ދިނުމުގެ ފުރުސަތު ހުޅުވާލާފައިވާ އިރު، ކޮންމެ ޖަނަރޭޓަރު ސެޓަކަަށްވެސް، ލޯކަލް ވޮރަންޓީއާއި، އާފްޓަރސޭލްސް ސާވިސްގެ އިތުރުން ކަސްޓަަމަރުން ބޭނުންވެއްޖެ ހިނދެއްގައި އިންސްޓޯލް ކޮށްދިނުމުގެ ހިދުމަތްވެސް ސްޓެވޯއިން ފޯރުކޮށްދޭނެ ކަމަށް ސްޓެލްކޯއިން ހާމަކުރެއެވެ.
