ނޮވެމްބަރު ތިނެއް 1988ގައި ރާއްޖެއަށް ދިން އުދުވާނީ ހަމަލައި ރޭވި ދިވެހިންގެ ވާހަކަ ކިޔަވައިނުދޭން ސުކޫލްތަކަށް އަންގާފައި ނުވާނެ ކަމަށް މިނިސްޓްރީ އޮފް އެޑިއުކޭޝަނުން ބުނެފިއެވެ.
އެމިނިސްޓްރީން ކުރި ޓުވީޓެއްގައި ބުނެފައިވަނީ، ނޮވެމްބަރު 3ގެ ހަމަލާ ރޭވި ދިވެހިންނަކީ ބާޣީން ކަމުގައި ދަރިވަރުންނަށް ކިޔައިނުދޭން އަންގާފައިވާ ކަމަށް ބުނެ ބައެއް އޮންލައިން ނޫސްތަކުން ފަތުރާފައިވާ ހަބަރަކީ ދޮގެއް ކަމަށެވެ. އެގޮތުން މި ހަބަރަކީ އެއްވެސް އަސްލެއް ނެތް، ކަނޑައެޅިގެން ދޮގު ޚަބަރެއް ކަމަށް އެޑިއުކޭޝަނުން ބުނެފައިވެއެވެ.
އަދި މިފަދަ އެއްވެސް ކަމެއް ހިނގާފައެއް ނުވާ ކަމަށާއި ގައުމީ ގޮތުން ފާހަގަކުރެވޭ މިފަދަ ދުވަސްތަކުގައި ދަރިވަރުންނާ ގުޅުވާ ސިޔާސީ މަންފާ ހޯދުން އެ މިނިސްޓްރީއިން ހަރުކަށި އިބާރާތުން ކުށްވެރިކުރާ ކަމަށެވެ.
+1
+1
+1
+1
+1
+1
