އެޖެންޑާ19 ގައި ބުނި އެންމެ ކުޑަ އުޖޫރަ ކަނޑައެޅިފައިވާ ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
ދިވެހި މުވައްޒަފުންނަށް ދޭ އެންމެ ކުޑަ އުޖޫރައިގެ އަދަދަކީ 4500 ރުފިޔާ ކަމަށް ކަނޑައަޅައި ސަރުކާރުން މިއަދު ވަނީ އެކަން އިއުލާންކޮށްފައެވެ. ނަޝީދު ކުރެއްވި ޓުވީޓެއްގައި ވިދާޅުވީ، އެމްޑީޕީގެ ކޮންމެ މެނިފެސްޓޯއެއްގައި ހިމެނިފައިވާ އަދި އެޖެންޑާ19ގައިވެސް ބުނި އެންމެ ކުޑަ އުޖޫރަ ކަނޑައެޅިއްޖެ ކަމަށާއި ރާއްޖޭގެ މަސައްކަތްތެރިންނަށް ކަންކަން ކަށަވަރު ކޮށްދިނުމަކީ އަބަދުވެސް އެމްޑިޕީގެ އަމާޒެއް ކަމަށެވެ.
ނަޝީދު ވަނީ މިކަމަށްޓަކައި ސަރުކާރާއި މަޖިލީހަށް މަރުހަބާ ވިދާޅުވެފައެވެ. ސަރުކާރުން މިއަދު އިއުލާން ކުރި މިނިމަމް ވޭޖްގައިވާ ގޮތުން ޕަބްލިކް ސެކްޓަރގެ މިނިމަމް ވޭޖަކީ 7000 ރުފިޔާ ކަމަށެވެ. ޕްރައިވެޓް ސެކްޓަރ ވިޔަފާރީގެ މިނިމަމް ވޭޖް އަކީ ކުދި ފަންތީގެ ވިޔަފާރިތަކަށް 4500 ރުފިޔާ، މެދު ފަންތީގެ ވިޔަފާރިތަކަށް 7000 ރުފިޔާ އަކީ ބޮޑު ފަންތީގެ ވިޔަފާރިތަކަށް 8000 ރުފިޔާއެވެ.
އަދި މިނިމަމް ވޭޖްގެ ތެރޭގައި ހިމެނެނީ އަސާސީ މުސާރަ އާއި ފިކްސްޑް އެލަވަންސެވެ. މީގެ އިތުރުން ރޯދަ އިނާޔަތާއި އިތުރު ގަޑީގެ ފައިސާ ސާރވިސް ޗާރޖް ބޯނަސް އެކި މަސް މަހު އެކިވަރަށްދޭ އެކަވަންސް އިން-ކައިންޑް ބެނެފިޓްސް މިނިމަމް ވޭޖްގެ ގޮތުގައި ނުހިމެނޭ ކަމަށް ސަރުކާރުން ވަނީ ހާމަކޮށްފައެވެ.
