ރާއްޖެއިން ކޮވިޑް19 އަށް ޕޮޒިޓިވްވި މީހުންގެ އަދަދު 90 ހާހުން މައްޗަށް އަރައިފިއެވެ.
ހެލްތް ޕްރޮޓެކްޝަން އެޖެންސީން އާއްމު ކުރި ތަފާސް ހިސާބުތައް ދައްކާގޮތުން މިރެއާއި ހަމައަށް 90،117 މީޙުން ވަނީ ޕޮޒިޓިވްވެފައެވެ. ވޭތުވެ ދިޔަ 24 ގަޑިއިރުގެ ތެރޭގައި މުޅި ރާއްޖެއިން ޕޮޒިޓިވްވެފައިވަނީ 118 މީހުންނެވެ. މީގެ ތެރޭގައި ހިމެނެނީ މާލެ ސަރަހައްދުން ޕޮޒިޓިވްވި 35 މީހުންނާއި އަތޮޅު ތެރެއިން ޕޮޒިޓިވްވި 70 މީހުންނެވެ. އަދި ރިސޯޓްތަކުން ޕޮޒިޓިވްވި 13 މީހުންނެވެ.
މިހާތަނަށް ރާއްޖެއިން މިބަލި ޖެހުމަށް ފަހު 87،703 މީހުން ވަނީ ބަލިން ފަސޭހަވެފައެވެ. މިވަގުތު 10 މީހުންނަށް ދަނީ ހޮސްޕިޓަލްތަކުގައި އެޑްމިޓް ކޮށްގެން ފަރުވާ ދެމުންނެވެ. ރާއްޖެއިން ވަނީ މިބަލީގައި 247 މީހުން ނިޔާވެފައެވެ. މިވަގުތު މިބަލި ޖެހިފައިވާ 2،154 މީހުން އެބަތިއްބެވެ.
+1
+1
+1
+1
+1
+1
