މޮންގޯލިއަން އެއަރލައިންސްގެ ދަތުރުތައް ރާއްޖެއަށް ފަށައިފިއެވެ.
ވެލާނާ އިންޓަރނޭޝަނަލް އެއަރޕޯޓްގެ ކޮށްފައިވާ ޓުވީޓްގައި ބުނެފައިވަނީ މޮންގޯލިއަން އެއަރލައިންސްއިން ރާއްޖެއަށް ފަށާފައިވަނީ ޗާޓަރު ދަތުރުތަކެއް ކަމަށެވެ. އެގޮތުން މި އެއަރލައިންގެ އެންމެ ފުރަތަމަ ފްލައިޓުން ރާއްޖެއަށް އައިސްފަައިވަނީ މޮންގޯލިއާގެ ޓުއަރ އޮޕަރޭޓަރުންނާއި ޓްރެވެލް ބްލޮގަރުންގެ އިތުރުން ނޫސްވެރިންނެވެ. ރާއްޖެއާއި މޮންގޯލިއާއި ދެމެދު އަންނަ ޑިސެމްބަރު 27 އިން ފެށިގެން ޗާޓަރު ދަތުރުތައް ފަށާގޮތަށް ހަމަޖެހިފައިވާއިރު އަދި މިދަތުރުތައް ކުރުމަށް ހަމަޖެހިފައިވަނީ އަންނަ އަހަރު މާރޗް މަހުގެ ނިޔަލަށެވެ.
މި އެއަރލައިންގެ ދަތުރުތައް ރާއްޖެއަށް ފަށާފައިވަނީ އޯވްސަމް މޮންގޯލިއާ އާއި ކްރޫޒް ޓުއާރ މޯލްޑިވްސް ގުޅިގެންނެވެ.
ކޮވިޑް 19ގެ ބަލިމަޑުކަން ފެތުރެން ފެށުމުން ގިނަ އެއަރލައިންތަކެއްގެ ދަތުރުތައް ހުއްޓާލާފައި އޮތުމަށްފަހު މިހާރު ދަނި ދަތުރުތައް ފަށަމުންނެވެ. އަދި ބައެއް އެއަރލައިންތަކުން މިހާރުވެސް ދަތުރުތައް ފެށުމަށް ދަނީ ތައްޔާރު ވަމުންނެވެ.
