މާލޭ ސިޓީ ކައުންސިލްގެ 4 ވަނަ ދައުރަށް 6 މަސް ފުރުމުގެ ރަސްމިއްޔާތުގައި މާލޭ ސިޓީ ކައުންސިލް ރީބްރޭންޑްކޮށްފިއެވެ.
ރޭ އޮތް ހަފުލާއެއްގައި ވަނީ މާލޭ ސިޓީ ކައުންސިލްގެ ހަތަރުވަނަ ދައުރުގެ ލަނޑުދަނޑިތައް ހިމެނޭ ސްޓްރެޓެޖިކް އެކްޝަން ޕްލޭންގެ ފޮތެއްވެސް ނެރެފައެވެ. މީގެ އިތުރުންވެސް ވަނީ މާލޭ ސިޓީ ކައުންސިލް ރީ ބްރޭންޑް ކުރުމުގައި ކައުންސިލްގެ އާ ލޯގޯ އިފްތިތާހްކުރުމާ، ދިދަ ތަޢާރަފްކުރުމާ އަދި ކައުންސިލްގެ ޔުނިފޯމް ތައާރަފްކޮއްފައެވެ.
އަދި ސިޓީ ކައުންސިލްގެ މަސައްކަތްތަކުގައި ބޭނުންކުރުމަށާ އެކިއެކި މުނާސަބާތަކުގައި ބޭނުންކުރުމަށް ސިޓީ ކައުންސިލްގެ ރަސްމީ ލަވަ އެއްވެސް ވަނީ އިފުތިތާހުކޮށްފައެވެ. މި ހަފުލާގައި ވަނީ ސިޓީ ކައުންސިލްގެ ޚަބަރުތައް ވީހާވެސް ފުޅާ ދާއިރާއެއްގައި ރައްޔިތުންނާ ހަމައަށް އެކިއެކި ވަޞީލަތްތައް ބޭނުންކޮށްގެން ގެނެސްދިނުމަކީ ސިޓީ ކައުންސިލްގެ އަމާޒަކަށް ހަދައި މިކަން ހާޞިލްކުރުމަށް " އަތަމަނަ"ގެ ނަމުގައި ހަފުތާ ޚަބަރު މަޖައްލާވެސް ނެރެފައެވެ.
މީގެ އިތުރުންވެސް ވަނީ މާލޭގެ މުނިސިޕަލްޓީގެ ރައީސްކަން ކުރައްވާ ދައުލަތަށް ގިނަދުވަހު ޚިދުމަތްކުރެއްވި ނިޝާން ޢިއްޒުއްދީން ގެ ލަގަބް ލިބިވަޑައިގެންފައިވާ އުމަރު ޒާހިރުއަށް އެކަމުގެ އަގުވަޒަންކޮށް ވަނީ ހާއްސަ އެވޯޑެއްވެސް އަރުވާފައެވެ.
