12 ސުކޫލަކަށް ޕްރިންސިޕަލުން ހޯދަން އެޑިއުކޭޝަން މިނިސްޓްރީން އިއުލާންކޮށްފިއެވެ.
މިނިސްޓްރީ އޮފް އެޑިއުކޭޝަނުން އިއުލާނުކޮށްފައިވަނީ ށ. މަގޫދޫ ސުކޫލު، ށ. ގޮއިދޫ ސުކޫލު ، ހއ. ވަށަފަރު ސުކޫލު، ހއ. ބާރަށު ސުކޫލު، ހދ. ހިރިމަރަދޫ ސުކޫލު، ހދ. އަތޮޅު ތައުލީމީ މަރުކަޒު، ރ. ފައިނު ސުކޫލު، ގއ. ކޮނޑޭ ސުކޫލު، ވާދޫ ޖަމާލުއްދީން ސުކޫލް، މ. އަތޮޅު ތައުލީމީ މަރުކަޒު، ހދ. ނޭކުރަންދޫ ސުކޫލު އަދި ހއ. ފިއްލަދޫ ސުކޫލަށް ޕްރިންސިޕަލުން ހޯދުމަށެވެ.
މި މަގާމަށް ޝަރުތެއް ކަމަށް ބުނެފައިވަނީ ޓީޗިން ސަރވިސް އޮފިސަރ 3 ގެ ޝަރުތު ހަމަވުމާއެކު ލީޑިންގ ޓީޗަރުގެ މަގާމުގައި މަދުވެގެން 2 އަހަރު ދުވަހުގެ ތަޖްރިބާ ލިބިފައިވުން ނުވަތަ ޓީޗިން ސަރވިސް އޮފިސަރ 3 ގެ ޝަރުތު ހަމަވުމާއެކު ސްކޫލް ހިންގުމުގެ ދާއިރާއިން ދިވެހިރާއްޖޭގެ ގައުމީ ސަނަދު ތަކުގެ އޮނިގަނޑު ލެވެލް 4 ނުވަތަ އެއަށްވުރެ މަތީ ސަނަދެއް ހާސިލް ކޮށްފައިވުމާއި އެކު، ކިޔަވައި ދިނުމުގެ ރޮނގުން 2 އަހަރު ދުވަހުގެ ތަޖްރިބާ ލިބިފައިވުމަށެވެ.
މަގާމަށް އެދި ހުށަހަޅަންޖެހޭ ތަކެތި ހުށަހަޅާނީ 2 ޑިސެންބަރު ވާ ބުރާސްފަތި ދުވަހުގެ 13:30 ގެ ކުރިން، މިނިސްޓްރީ އޮފް އެޑިޔުކޭޝަނަށް ކަމަށް އިއުލާނުގައި ވަނީ ބުނެފައެވެ.
