މާލެ ސިޓީގެ މޭޔަރު ޑރ މުހައްމަދު މުއިއްޒު ފުލުހުންނަށް ވަރުގަދަ އިންޒާރެއް ދެއްވައިފިއެވެ.
ހުޅުމާލެ ފޭސް ދެއެއްގައި ކޮތަރު ކޮށީގައި އިދިކޮޅުން ބާއްވަން މަސައްކަތް ކުރަމުންދާ ޖަލްސާ އާއި ގުޅިގެން ވަނީ ބޮޑު ހިޔާލު ތަފާތުވުމެއް އުފެދިފައެވެ. މޭޔަރު މުއިއްޒު ކުރެއްވި ޓުވީޓެއްގައި ވިދާޅުވީ، ކައުންސިލްގެ އިގްތިސާސްގެ ތެރޭގައި އޮންނަ ސަރަޙައްދެއްގައި ސިޔާސީ ޕާޓީއަކުން ޖަލްސާއެއް ބާއްވަން އެދުމުން، އެކަމަށް ކައުންސިލުން ދީފައިވާހުއްދަ ތަންފީޒުކުރުމަށް ފުލުހުންގެ އިދާރާ އިން ހުރަސްއަޅުއް ވަމުންދާތަން ފެންނަމުންދާތީ އެކަމުގައި ޕޮލިސް ގާނޫނީ ގޮތުން ޖަވާބުދާރީކުރުވާނެކަމަށެވެ.
އިދިކޮޅު ފަރާތްތަކުން މިމަހުގެ ދިހަވަނަ ދުވަހުގެ ރޭ ކޮތަރުކޮށީގެ ނަމުގައި ފޭސް ދެއެއްގައި ޖަލްސާ ބޭއްވުމަށް ތައްޔާރުވަމުން ދަނިކޮށް ފުލުހުން ވަނީ އެތަނަށް ގޮސް އެ މަސައްކަތަށް ހުރަސް އަޅަން މަސައްކަތް ކޮށްފައެވެ.
