ރާއްޖޭގެ ސަލާމަތާ ރައްކާތެރިކަންއޮތީ އިންޑިޔާއާއެކު މަސައްކަތް ކޮއްގެން ކަމަށް މެދު ހެންވޭރު ދާއިރާގެ ރައްޔިތުންގެ މަޖިލީހުގެ މެމްބަރު އަލީ އާޒިމް ވިދާޅުވެއްޖެއެވެ.
ކުރީގެ ރައީސް ޔާމީން މިނިވަން ކުރުމުން އިންޑިއާ އައުޓު ކެމްޕެއިންގެ އަޑު ވަނީ ގަދަވެފައެވެ. އަދި އިދިކޮޅުން ބާއްވަމުންދާ ޖަލްސާ ތަކުގައި ރައީސް ޔާމީން ގެންދަވަނީ ތަކުރާރު ކޮށް އިންޑިއާގެ ސިފައިންނަށް ދިވެހި ބިމުގައި ނުތިބެވޭނެ ކަމާއި ޖެހޭނީ ވަގުތުން ފައިބަން ކަމަށް ވިދާޅުވަމުންނެވެ.
އަލީ އާޒިމް ކުރެއްވި ޓުވީޓެއްގައި ވިދާޅުވީ، ގިނަ ދިވެހި ޒުވާނުންނަށް، އެމީހުންގެ އާއިލާތަކަށް އިންޑިޔާ އައުޓްވެގެން ވާފައިދާއަށްވުރެ ގެއްލުން ބޮޑުކަން ގަބޫލުކުރާ ކަމަށެވެ. އަދި ސިޔާސީ ފައިދާނެގިޔަސް ބޮޑުވަރު ކަމަށާއި ރާއްޖޭގެ ސަލާމަތާ ރައްކާތެރިކަންއޮތީ އިންޑިޔާއާއެކު މަސައްކަތް ކޮއްގެންކަން ޒުވާނުން ގަބޫލުކުރާ ކަމަށް އާޒިމް ވިދާޅުވެފައިވެއެވެ. އެހެންކަމުން އާޒިމް ވަނީ ފިތުނަކުރުން ހުއްޓާލުމަށް ގޮވާލާފައެވެ.
