އީފާސް މެދުވެރިކޮށް އީސީގެ ހިދުމަތްތައް ލިބޭ ގޮތް ހަދަނީ

އިލެކްޝަންސް ކޮމިޝަން (އީސީ) ގެ ހިދުމަތްތައް އީފާސް މެދުވެރިކޮށް ލިބޭނެ ގޮތް ހަދަން އެ ކޮމިޝަނުން ނިންމައިފިއެވެ.

އެކަމާ ގުޅިގެން އެ ކޮމިޝަންގެ ނައިބު ރައީސް އިސްމާއިލް ހަބީބް ވިދާޅުވީ އިލެކްޝަންސް ކޮމިޝަނުން އޮންލައިން ކޮށް ހިދުމަތް ހޯދާ ފަރާތްތަކުން، އީސީގެ އޮންލައިން ޕޯޓަލްއަށް އީފާސް މެދުވެރިވެ، ހިދުމަތްތަކަށް އެކްސެސް ވެވޭނޭ ގޮތަށް ހަމަޖެއްސުމަށް ކޮމިޝަނުން މިއަދު ނިންމާފައިވާ ކަމަށެވެ.

ހަބީބް ވިދާޅުވީ އީފާސް މެދުވެރިކޮށް ލިބޭ ހިދުމަތްތަކުގެ ތެރޭގައި އިންތިހާބުތަކުގެ ރީ-ރަޖިސްޓްރޭޝަނާއި ވޯޓުލާ މަރުކަޒުތަކުގެ އޮފިޝަލަކަށްވުމާއި ރަޖިސްޓަރީވެފައިވާ ވޯޓުފޮށި ޗެކްކުރުމާއި ރަޖިސްޓަރީވެފައިވާ ސިޔާސީ ޕާޓީ ޗެކް ކުރުން ފަދަ ހިދުމަތްތައް ހިމެނޭ ކަމަށެވެ.