މާލޭ ސިޓީ ކައުންސިލަށް އަލަށް އިންތިހާބުވި 3 މެމްބަރުން ހުވާކޮށްފި އެވެ. މާލޭ ކައުންސިލުގެ ބައި-އިލެކްޝަންގައި އަލަށް އިންތިހާބުކުރި ތިން މެމްބަރުން ހުވާކޮށްފައިވަނީ މިއަދު ހެނދުނު މީރުމާގައި ބޭއްވި ހާއްސަ ރަސްމިއްޔާތެއްގަ އެވެ. މާލޭ ކައުންސިލުގެ ބައި-އިލެކްޝަން ކާމިޔާބުކޮށް މެމްބަރުކަމުގެ ހުވާކޮށްފައި ވަނީ ވެރިކަން ކުރާ މައި ޕާޓީ، ކޮންގްރެސް ޕާޓީއަށް ނިސްބަތްވާ ތިން މެމްބަރުންނެވެ. އެއީ، ފާތިމަތު ޝައުފާ ސަލީމް - ހެންވޭރު ހުޅަނގު ދާއިރާ ފާތިމަތު އިޝާން އަލީ - މައްޗަންގޮޅި މެދު ދާއިރާ…

ބޭސް ފަރުވާއަށް މާލެ އައި އުމުރުން ދުވަސްވީ މީހަކަށް ބިރުދައްކާ ފައިސާ އާއި ފޯނު ފޭރިގެންފިއެވެ. ފުލުހުންގެ މީޑިއާ އޮފިޝަލް ވިދާޅުވީ، މާލެ އަށް ބޭސް ފަރުވާއަށް އައިސް ހުރި 62 އަހަރުގެ މީހަކު ކުއްޔަށް ހުރި ކޮޓަރިއަށް ދެ މީހަކު ވަދެ ބިރުދައްކާ، އެ މީހާގެ ފޯނާއި ފައިސާ ފޭރުނު މައްސަލަ އިއްޔެގެ ވަގުތެއްގައި ރިޕޯޓްކޮށްފައިވާ ކަަަމަށެވެ. އަަދި މި މައްސަލައާ ގުޅިގެން އަދި މީހަކު ހައްޔަރުކޮށްފައިނުވާ ކަމަށްވެސް ފުލުހުން ވިދާޅުވިއެވެ. މި މައްސަލަ ފުލުހުން…

ހަރުކަށި ފިކުރާ ޓެރަރިޒަމާ ދެކޮޅަށް ކުރެވޭ މަސައްކަތްތަކާ ގުޅޭ ގޮތުން މަޝްވަރާ ކުރަން ފޯރަމެއް ފަށައިފި އެވެ. ޑިފެންސް މިނިސްޓްރީން އިންތިޒާމުކޮށްގެން "ޔުނައިޓެޑު ފޯ އަ ޕީސްފުލް އެންޑް ރެސިލިއަންޓު މޯލްޑިވްސް" ގެ ނަމުގައި އިއްޔެ ފެށި ފޯރަމްގައި އިސްކޮށް ހުންނަވަނީ މިނިސްޓަރު ގައްސާން މައުމޫނެވެ. ޑިފެންސުގެ އިތުރުން ފޯރަމްފައި ޕްރޮސެކިއުޓާ ޖެނެރަލް ހުސެއިން ޝަމީމާއި އަދި ހޯމް މިނިސްޓްރީ އާއި އެމްއެންޑީއެފް އަދި ކައުންޓާ ޓެރަރިޒަމް ސެންޓަރުގެ އިސް ފަރާތްތަކުން ބައިވެރިވެ އެވެ. މި ފޯރަމާ…

ތުރުކީ ސަރުކާރުގެ ދައުވަތަކަށް ހަޔާ އެޑިޔުކޭޝަން މިނިސްޓަރު ޑރ. މަރްޔަމް މާރިޔާ އެ ގައުމުގެ އަންކާރާއަށް ވަޑައިގަންނަވައިފި އެވެ. އިއްޔެ ފެށި އެ ދަތުރުގައި މިނިސްޓަރު މާރިޔާ އަރިހުގައި އެ މިނިސްޓްރީގެ ޑެޕިއުޓީ މިނިސްޓަރު އައިމިނަތު ޝަޝީ އަދި ޕާމަނަންޓް ސެކެޓްރީ އައިމިނަތު ހިކްމާ ބައިވެރިވެވަޑައިގަންނެވި އެވެ. ސަރުކާރުން ބުނީ އެ ދަތުރުގައި މިނިސްޓަރު މާރިޔާ ތުރުކީގެ މަގްބޫލު ޔުނިވާސިޓީތަކާއި އޯއެސްއައިޓީއެމް އަދި އަންކާރާ ޔުނިވާސިޓީގެ އިސްވެރިންގެ އިތުރުން ތުރުކީ ސަރުކާރުގެ ބައެއް އިސްވެރިންނާ ބައްދަކުރައްވާނެ ކަމަށެވެ.…

ސްޓޭޓް އިލެކްޓްރިކް ކޮމްޕެނީ ލިމިޓެޑް(ސްޓެލްކޯ) މުވައްޒަފުންނަށް ބޭނުންވާ ތަމްރީން ދިނުމުގެ ގޮތުން ޕޮލިޓެކްނިކާއި ސްޓެލްކޯއާއި ދެމެދުގައި އެއްބަސްވުމެއްގައި ސޮއިކޮށްފި އެވެ. އިއްޔެއިން ފެށިގެން ފަސް އަހަރު ދުވަހަށް ސޮއިކުރި މި އެއްބަސްވުމުގައި ސްޓެލްކޯގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު ހުސައިން ފަހުމީ އެވެ. އަދި ޕޮލިޓެކްނިކްގެ ފަރާތުން ސޮއިކުރެއްވީ އެ ކުންފުނީގެ ސީއިއޯ ޒޫޝާން ކަމާލުއްދީނެވެ. ސްޓެލްކޯއިން ބުނީ އެ އެއްބަސްވުމުގެ ސަބަބުން އެ ކުންފުނީގެ މުވައްޒަފުންނަށް ހާއްސަ ސެޓިފިކޭޝަން ކޯސްތަކާއި ޕްރޮފެޝަނަލް ޑިވެލޮޕްމަންޓް…

ލޯކަލް ކައުންސިލްތަކުގެ ބައި-އިލެކްޝަންތައް އަހަރަކު ދެ ފަހަރު ބާއްވާ ގޮތަށް ގާނޫނަށް ގެނައި އިސްލާހު ރައްޔިތުން މަޖިލީހުން މިއަދު ފާސްކޮށްފި އެވެ. އެ އިސްލާހު އިދާރީ ދާއިރާތައް ލާމަރުކަޒީ ނިޒާމުން ހިންގުމުގެ ގާނޫނަށް ހުށަހެޅީ ސަރުކާރުގެ ފަރާތުން އިސްދޫ ދާއިރާގެ މެންބަރު އިސްމާއީލް ޝަފީއު އެވެ. އެ ބިލް ލާމަރުކަޒީ ކޮމިޓީއިން ދިރާސާކުރުމަށްފަހު މިއަދު މަޖިލީހުގެ ޖަލްސާގައި ވޯޓަށް އަހާފައިވާއިރު ވޯޓުގައި ބައިވެރިވެވަޑައިގެންނެވީ 74 މެންބަރެކެވެ. އޭގެ ތެރެއިން 67 މެންބަރަކު ފާސްކުރަން ވޯޓު ދެއްވިއިރު ބިލާ…