ދުނިޔޭގެ އެންމެ އާބާދީ ބޮޑު ޗައިނާގައި އިއްޔެ ކޮވިޑް-19 އަށް ޕޮޒިޓިވްވީ 35 މީހުން ކަމަށް ރިޕޯޓުކޮށްފި އެވެ.
މިބަލި ޖެހިގެން އިއްޔެ އެގައުމުން އެއްވެސް މީހަކު މަރުވެފައި ނުވާއިރު، އިއްޔެ ރެކޯޑު ކުރި ކޭސްތަކުގެ ތެރެއިން ގައުމުގެ އެތެރެއިން ޕޮޒިޓިވްވީ 8 މީހުންނެވެ. އަނެއް 27 މީހުންނަކީ އެހެން ގައުމުތަކުން ޗައިނާއަށް އެތެރެވި މީހުންގެ ތެރެއިން ޕޮޒިޓިވްވި ކޭސްތަކެވެ.
އިއްޔެ ޕޮޒިޓިވްވި މީހުންގެ ތެރެއިން 27 މީހުންގެ ފަރާތުން ބަލީގެ އެއްވެސް އަލާމާތެއް ނުފެނެ އެވެ. އެހެންނަމަވެސް އެމީހުންނާއިއެކު ޖުމްލަ 383 މީހަކު ވަނީ ޓެސްޓު ހެދުމަށް ކަރަންޓީނު ކުރެވިފަ އެވެ. އެއީ ޕޮޒިޓިވްވި މީހުންނާއި ކޮންޓެކްޓުވި މީހުންނެވެ.
ޗައިނާގައި މިހާތަނަށް ކޮވިޑް ޖެހުނު މީހުންގެ އަދަދު މިވަނީ 91،394 އަށް އަރައިފަ އެވެ. މަރުވި މީހުންގެ އަދަދަކީ 4،636 އެވެ.
ޗައިނާއަށް ނިސްބަތްވާ ވަކި ދައުލަތެއް އޮންނަ ތިން ގައުމުގެ ތެރެއިން ހޮންގް ކޮންގް އިން އިއްޔެއާއި ހަމައަށް ވަނީ 11،874 މީހުން ޕޮޒިޓިވްވެފަ އެވެ. މަކާއޯ އިން މިހާތަނަށް ކޮވިޑް ޖެހުނީ 82 މީހުންނަށެވެ. އަދި ތައިވާނުން 12،500 މީހުންނަށެވެ.
+1
+1
+1
+1
+1
+1
