ކޮވިޑް-19 ގެ ސަބަބުން ވިޔަފާރިތަކަށް ކުރިމަތިވެފައިވާ ދަތިކަމުން އަރައިގަތުމަށް ދޫކުރަން ނިންމާފައިވާ ލޯނުތަކަށް ކުރިމަތިލުމުގެ ފުރުސަތު އެސްޑީއެފްސީން ހުޅުވާލައިފި އެވެ.
އެބޭންކުން ދޫކުރާ ލޯނުތަކަށް 6 އިންސައްތައިގެ އިންޓަރެސްޓު ރޭޓެއް ނަގާނެ އެވެ. ގްރޭސް ޕީރިއެޑުގެ ގޮތުގައި ލިބޭނީ ދެ އަހަރެވެ. އަދި ލޯނު ދައްކަން ލިބޭނީ ހަތަރު އަހަރު ދުވަހެވެ.
މި ލޯނުތައް ދޫކުރާނީ އެންމެ ބޮޑުވެގެން އެއް މިލިއަން ރުފިޔާއާއި ހަމައަށެވެ. ލޯނު އިއުލާންކުރައްވަމުން އިކޮނޮމިކް މިނިސްޓަރު ފައްޔާޒު އިސްމާއިލް ވިދާޅުވީ މާލީ އެހީތެރިކަމުގެ އިތުރުން ވިޔަފާރިތައް އަލުން ހިނގައިގަތުމަށް އެފަރާތްތަކުން ބޭނުންވާނަމަ ފަންނީ އެހީތެރިކަންވެސް ފޯރުކޮށްދޭނެ ކަމަށެވެ.
މީގެ އިތުރުން ލޯނު ދޫކުރުމުގައި ކޮވިޑުގެ ސަބަބުން ކޮށްފައިވާ އަސަރުތަކަށް ބަލާނެ ކަމަށާއި ލޯނު ދޭވީ މި ބަލިމަޑުކަމުގައި އެންމެ ބޮޑަށް އަސަރުކުރި ވިޔަފާރިތަކަށް ކަމަށްވެސް މިނިސްޓަރު ވިދާޅުވި އެވެ. ލޯނަށް އެދޭ ކެފޭ، ރެސްޓޯރެންޓާއި ސެލޫން އަދި ޖިމްތަކަށް އިސްކަން ދޭން ސަރުކާރުން ވަނީ ނިންމައިފަ އވެެ.
އެސްޑީއެފްސީން ބުނެފައިވަނީ އެ ކުންފުނިން ދޫކުރާ ލޯނުތައް ނެގުމަށް ބޭނުންވާ ފަރާތްތަކަށް އެ ބޭންކުގެ ވެބްސައިޓުގައިވާ އޮންލައިން ޕޯޓަލް މެދުވެރިކޮށް ފޯމު ހުށަހެޅޭނެ ކަމަށެވެ.
