ކަނޑުމަތިން އޮޔާދަނިކޮށް 14 ޑައިވަރަކު ސަލާމަތްކޮށްފި އެވެ.
މި މީހުން ފެނުނީ ފުވައްމުލަކުން ފުރައިގެން ގދ. އަތޮޅަށް ދަތުރުކުރަމުން ދިޔަ ލޯންޗަކަށް ގދ. ގަން ކައިރިންނެވެ.
ފުލުހުން ބުނި ގޮތުގައި ފުރަތަމަ ފެނުނީ ދެ ޑައިވަރުންނެވެ. އެ މީހުންނާ ކައިރި ކުރުމުން އިތުރު ބަޔަކު އޮޔާ ދާ ކަމުގެ މައުލޫމާތު ލިބުނު ކަމަށެވެ.
ފުލުހުން ބުނީ އޮޔާދަނިކޮށް ފެނުނު ޑައިވަރުންގެ ތެރޭގައި ހިމެނެނީ ރަޝިއާގެ 10 ޑައިވަރަކާއި ދިވެހި ހަތަރު އިންސްޓްރަކްޓަރުން ކަމަށެވެ.
މި އެންމެން މިހާރު ވަނީ ގދ. ގައްދޫ އަށް ގެންގޮސްފަ އެވެ. އަދި އެ މީހުން ދަތުރުކުރި ސަފާރީވެސް ހޯދައި މިހާރު ވަނީ ވެރިފަރާތާ ހަވާލުކޮށްފަ އެވެ.
ފުލުހުން ބުނީ އޮޔާދަނިިކޮށް ފެނުނު ޑައިވަރުންގެ އާންމު ހާލަތު ރަނގަޅު ކަމަށެވެ.
+1
+1
+1
+1
+1
+1
