ރަސްމީ ދަތުރުފުޅެއްގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒު ޅ. އަތޮޅަށް ފުރާވަޑައިގެންފިއެވެ.
ރައީސް މުއިއްޒު ޅ. އަތޮޅަށް ފުރާވަޑައިގެންނެވީ މިއަދު ހެނދުނުގެ ވަގުތެއްގައެވެ. އެމަނިކުފާނު އެ އަތޮޅަށް ކުރައްވާ ދަތުރުފުޅަކީ އެއް ދުވަހުގެ ދަތުރުފުޅެކެވެ.
މި ދަތުރުފުޅައި ރައީސް ވަޑައިގަތުމަށް ހަމަޖެހިފައިވަނީ ކުރެންދޫ، ހިންނަވަރު އަދި ނައިފަރަށެވެ. އެމަނިކުފާނުގެ ފުރަތަމަ މަންޒިލަކީ ކުރެންދޫއެވެ. އެ ރަށަށް ވަޑައިގެން ކުރެންދޫ އަދި އޮޅުވެލިފުށީގެ ކައިންސިލާއި ބައްދަލުކުރެއްވުމަށް ވަނީ ހަމަޖެހިފައެވެ. އެއަށްފަހު ކުރެންދޫގެ ރައްޔިތުންނާއި އެމަނިކުފާނު ބައްދަލުކުރައްވާނެއެވެ.
ރައީސް ޑރ. މުހައްމަދު މުއިއްޒު ހަތަރު އަތޮޅަކަށް ކުރެއްވި ދަތުރުފުޅަށް ފަހު މާލެއަށް ވަޑައިގެންފައިވަނީ އިއްޔެއެވެ. އެމަނިކުފާނު ގެންދަވަނީ ވަރަށް ގިނަ ރަށްތަކަށް ވަޑައިގަންނަވަމުންނެވެ.
