ހަބީބްގެ ދައުރު ހަމަވުމުން، އީސީގެ ނައިބު ރައީސަކަށް ނަޝާތު

ކުރިން މި މަޤާމުގައި ހުންނެވީ އަލްއުސްތާޛް އިސްމާޢީލް ޙަބީބު ޢަބްދުއްރަޙީމް އެވެ.

އިލެކްޝަންސް ކޮމިޝަނުން ބުދަ ދުވަހު ބޭއްވި ކޮމިޝަނުގެ 820 ވަަނަ އާންމު ޖަލްސާގައި އެ ކޮމިޝަނުގެ ނައިބު ރައީސްގެ މަޤާމަށް ނަޝާޠު އައްޔަންކުރެއްވިކަމަށް ބުދަ ދުވަހު އެކްސްގައި ވަނީ ރަސްމީކޮށް އިއުލާނުކޮށްފައެވެ. އިލެކްޝަންސް ކޮމިޝަނުން ބުނީ މާރިޗު 12 ވީ އަންގާރަ ދުވަހު، އިލެކްޝަންސް ކޮމިޝަނުގެ ނާއިބު ރައީސް ގެ މަގާމުގައި ހުންނެވި އިސްމާއިލް ހަބީބު އަބްދުއްރަހީމް، އިލެކްޝަންސް ކޮމިޝަނުގެ މެންބަރު ކަމުގެ މަގާމުގެ ދެ ދައުރު ފުރިހަމަކުރައްވާފައިވާތީ، އެ ކޮމިޝަނުގެ ޤާނޫނުގެ 7 ވަނަ މާއްދާގައި ބަޔާންކޮށްފައިވާ ގޮތުގެ މަތިން، މިއަދު ބޭއްވި ކޮމިޝަނުގެ 820 ވަނަ އާންމު ޖަލްސާއިން، އެ ކޮމިޝަނުގެ ނައިބު ރައީސްގެ މަގާމަށް ނަޝާތު އައްޔަންކޮށްފައިވާ ކަމަށެވެ.

ޤާނޫނު ނަންބަރު 2008/08 (އިލެކްޝަންސް ކޮމިޝަނުގެ ޤާނޫނު) ގެ 7 ވަނަ މާއްދާގައި ބުނެފައިވަނީ، ކޮމިޝަނުގެ ރައީސަކާއި، ނައިބު ރައީސަކު އައްޔަނުކުރާނީ ކޮމިޝަނުގެ މެންބަރުންގެ ތެރެއިން، ކޮމިޝަނުގެ މެންބަރުންނެވެ. އަދި މިގޮތުން ކޮމިޝަނުގެ ރައީސަކާއި، ނައިބު ރައީސަކަށް ޢައްޔަންކުރާ ބަޔަކު، އެމަޤާމަށް ޢައްޔަންކުރާތާ ގިނަވެގެން 48 ގަޑިއިރުގެ ތެރޭގައި ރައްޔިތުންގެ މަޖިލީހަށާއި ރައީސުލްޖުމްހުރީއްޔާއަށް ކޮމިޝަނުން އަންގަންވާނެކަމަށެވެ.