އަރަބިއްޔާ ސްކޫލުގެ އިމާރާތް އެޅުމަށް ހަމަޖެހިފައިވާ ސަރަހައްދުގެ ބިން ސާވޭ ކުރިއިރު ބިމުގައި ލޭންޑް ފިލްކުރަން ނުވަތަ ޝީޓްޕައިލް ކުރަން ޖެހޭތީ އެ ސްކޫލުގެ ކުރެހުމަށް ބަދަލުތަކެއް ގެންނަން ނިންމައިފިއެވެ.އެޑިޔުކޭޝަން މިނިސްޓަރު ޑރ. އިސްމާއީލް ޝަފީއު ވިދާޅުވީ އަރަބިއްޔާ ސްކޫލުގެ ޑިޒައިނަށް ބަދަލުތަކެއް ގެންނަން ނިންމާފައިވި ނަމަވެސް އެ ސްކޫލުގެ މިހާރުގެ ކުރެހުމަށް ބޮޑެތި ބަދަލުތަކެއް ނުގެންނާނެ ކަމުގައެވެ.
ކުރީ ސަރުކާރުން އަރަބިއްޔާ ސްކޫލު 6 ފަންގިފިލާއަށް އަޅަން ނިންމި ނަމަވެސް މި ސަރުކާރުން ނިންމާފައިވަނީ އެ ސްކޫލު 10 ފަންގިފިލާގެ އިމާރާތެއްގެ ގޮތުގައި އަޅާށެވެ. އަދި ސްކޫލު އިމާރާތް 2 އަހަރު ތެރޭ ނިންމުމަށްވެސް ވަނީ ޕްލޭން ކޮށްފައެވެ.
އަމީން ކޮންސްޓްރަކްޝަންއާ ހަވާލުކޮށްގެން މި އިމާރާތް ހެދުމަށް ހަމަޖެހިފައިވަނީ ސްކޫލެއްގައި ހުންނަންޖެހޭ ހުރިހާ ވަސީލަތްތަކަކާ އެކު 42 ކްލާސް ރޫމާއި، މަލްޓިޕާޕަސް ހޯލަކާއި، 4 ލިފްޓުގެ އިތުރުން އަންޑަ ގުރައުންޑް ޕާކިން ވެސް ހިމަނައިގެންނެވެ.
+1
+1
+1
+1
+1
+1
