ރައްޔިތުންގެ މަޖިލީހުގެ އިންތިހާބުގައި ވާދަކުރުމުގެ ޝަރުތު ނެތް ކަމަށް ސުޕްރީމް ކޯޓުން ކަނޑައެޅި ހަސަން ޝިޔާމް (ވީބީ ހަސަން) އިދިކޮޅު އެމްޑީޕީއަށް ތާއިދުކޮށްފިއެވެ.
އެގޮތުން އޭނާވަނީ ހަމަ އެ ދާއިރާ އަށް އެމްޑީޕީގެ ޓިކެޓުގައި ވާދަކުރައްވާ އިބްރާހިމް އަލީ ޖަލީލު (އިބޫ ޖަލީލް) އަށް ތާއީދުކުރައްވަން ނިންމާފަ އެވެ.
އަމިއްލަ ގޮތުން ވާދަކުރަން ނިންމެވި ހަސަންގެގެ ކެންޑިޑެސީ ބާތިލުކުރަން ހުށަހަޅީ މެދުހެންވޭރު ދާއިރާއަށް ވާދަކުރައްވާ އެ ދާއިރާގެ މިހާރުގެ ވެސް މެންބަރު އަލީ އާޒިމްގެ ކޮއްކޮއެއް ކަމަށްވާ އިލްޔާސް އަހުމަދެވެ. އިލްޔާސް ހުށަހެޅި މައްސަލާގައި ބުނީ ހަސަންގެ މައްޗަށް ސާބިތު ދަރަންޏެއް އެބައޮތް ކަމަށެވެ.
ނިމިދިޔަ ރައީސް އިބްރާހިމް މުހައްމަދު ސޯލިހުގެ ސަރުކާރުގައި އާރްޑީސީން ހިންގި ހިޔާނާތުގެ މައްސަލާގައި ކުރީގެ އިކޮނޮމިކް މިނިސްޓަރު ފައްޔާޒު އިސްމާއިލް ހާޒިރުކޮށްފައިވާއިރު ހަސަން ވަނީ އެމްޑީޕީގެ އިސް ބޭފުޅުންނާ އެކު އެ ސަރަހައްދަށް ވަޑައިގެންފައެވެ.
ހަސަން ވަނީ އިބޫ ޖަލީލު އަދި ފައްޔާޒާ އެކު ފޮޓޯ ނަންގަވާ އޭނާ ތާއީދު އޮތް ކަމަށް ވިދާޅުވެފަ އެވެ. ގާނޫނުގައިވާ ގޮތުން އަދާކުރާން ޖެހޭ ސާބިތު ދަރަންޏެއް އޮތް މީހަކު ނަމަ، ހުކުމާ އެއްގޮތަށް އެ ދަރަނި އަދާކުރަމުން ނުދާ ނަމަ މަޖިލީހަށް ވާދާނުކުރެވޭނެ އެވެ.
