ގައުމުގެ އިގްތިސޯދު ހަރުދަނާ ވަމުންދާ މިންވަރަކުން ނުވަތަ އާމްދަނީ ލިބޭ މިންވަރަކުން މި ދައުރު ތެރޭގައި ހުރިހާ ސެކްޓަރ އެއްގެ މުސާރަ ބޮޑު ކޮށްދެއްވާނެ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.
ރައީސްގެ އޮފީހުން ސިސްސިލާ ގޮތެއްގައި ގެންނަ “ރައީސްގެ ޖަވާބު” ސެގްމެންޓުގައި އާއްމުންގެ މީހަކު ކުރި ސުވާލަކަށް ޖަވާބު ދެއްވަމުން ރައިސް ވިދާޅުވީ ހުރިހާ ސެކްޓަރ އެއްގެ މުސާރަ ބޮޑު ކުރުމަކީ އެމަނިކުފާނުގެ ވައުދެއް ކަމަށެވެ. އަދި އިގްތިސާދުގައި ބުންވަރު ޖެހޭ މިންވަރަކުން މުސާރައަށްވެސް ބަދަލު ގެނެސްދެއްވާނެ ކަމަށް ރައީސް ވިދާޅުވިއެވެ.
ރައީސް ވިދާޅުވީ މިހާރު ބައެއް ސެކްޓަރ ތަކުގެ މުސާރަ ބޮޑުކޮށްދެއްވާފައިވާކަމަށެވެ. ސިފައިން ނާއިން ފުލުހުންގެ މުސާރަ ބޮޑު ކުރި ގޮތަށް އެހެން ސެކްޓަރ ތަކުގެ މުސާރަވެސް ބޮޑުކޮށް އެ ވައުދު ފުއްދައިދެއްވާނެ ކަމަށް ރައީސް ވިދާޅުވިއެވެ.
