ހުޅުމާލޭ 3 ވަނަ ފުޔަވަހީގެ ގޮތުގައި ބިން ހިއްކަމުންދާ ސަރަހައްދުގެ ސައިޓް "ބީ"ގެ މަސައްކަތްތަކަށް ދަތިވާގޮތަށް އަޅާފައިވާ އުޅަނދުތައް އެސަރަހައްދުން ނެގުމަށް އެޗްޑީސީން އަންގައިފިއެވެ.
އެޗްޑީސީން ކުރި އިއުލާނެއްގައި ބުނެފައިވަނީ އެކުލަވާލެވިފައިވާ ޗާޓުގައި ފެހުކުލައިން ފާހަގަކުރެވިފައިވާ ސަރަހައްދުގައި އަޅާފައުވާ އުޅަނދުތައް 4 އެޕްރިލްގެ 00:00ގެ ކުރިން އެ ސަރަހައްދުން ނެގުމަށް ދަންނަވާ ކަމުގައެވެ.
މިގޮތުން ނެނގޭ އުޅަނދުތައް އެ ސަރަހައްދުން ބޭރުގައި އެޅުމުގެ ފުރުސަތު ފަހިކޮށްދީފައިވާކަމަށްވެސް އެޗްޑީސީން ބުނެފައި ވެއެވެ.
އަދި އެ މަސައްކަތުގައި އާންމު ރައްޔިތުންނާއި އުޅަނދުތައް ގެންގުޅޭ ފަރާތްތަކުން ދޭ އެއްބާރުލުމަށް އެޗްޑީސީން ވަނީ ޝުކުރު އަދާކޮށްފައެވެ.
+1
1
+1
+1
+1
+1
+1
