އއ. ރަސްދޫގެ މިސްކިތއްގެ ވުޟޫކުރާ ބައިގެ ތެރޭގައި ކުޑަކުއްޖަކަށް، ގަނާ ކުރި މައްސަލަ ބެލުމަށް، ޑިޕާޓްމަންޓް އޮފް ޖުވެނައިލް ޖަސްޓިސްއާއި، ޖެންޑަރ މިނިސްޓްރީއާއި، އަދި ފުލުހުންގެ ޓީމެއް މިހާރު އެރަށުގައި ހަރަކާތްތެރިވަމުންދާ ކަމުގައި ފުލުހުން ބުނެފި އެވެ.
ފުލުހުންގެ ތަރުޖަމާން އަހުމަދު ޝިފާން ވިދާޅުވީ މައްސަލަ ތަހުގީގު ކުރުމަށް ޑިޕާޓްމަންޓް އޮފް ޖުވެނައިލް ޖަސްޓިސްއާއި، ޖެންޑަރ މިނިސްޓްރީއާއި، އަދި ފުލުހުންގެ ޓީމެއް މިހާރު އެރަށުގައި ހަރަކާތްތެރިވަމުންދާ ކަމަށެވެ.
އއ. ރަސްދޫ މިސްކިތެއްގެ ވުޟޫކުރާ ސަރަހައްދުގައި ކުޑަކުއްޖަކަށް ގަނާކޮށް، އަނިޔާ ކުރި މައްސަލަ ރައްޔިތުންގެ މަޖިލީހުގެ ހިއުމަން ރައިޓްސް ކޮމިޓީއަށްވެސް މިހާރުވަނީ ހުށަހަޅާފައެވެ.
ކުޑަ ކުއްޖަކަށް ބުލީ ކުރާ ވީޑިއޯއެއް ރޭވަނީ ސޯޝަލް މީޑިއާގައި ދައުރުވަން ފަށާފައެވެ. އެވީޑިއޯ ދައުރުވާން ފެށުމާއެކު ފުލުހުން ސޯޝަލް މީޑިއާގައި ބުނެފައިވަނީ ވީޑިއޯއިން ފެންނަ ހާދިސާ ހިނގާފައިވަނީ އއ. ރަސްދޫގައި ކަމަށާއި، ކުޑަ ކުއްޖާއަށް ބުލީކުރި ފަރާތްތައް ދެނަގަނެވިއްޖެ ކަމުގައެވެ. އަދި ފަހުން ފުލުހުން ބުނެފައިވަނީ ކުޑަކުއްޖާއަށް ގަނާ ކޮށްފައިވަނީވެސް ކުޑަކުދިންތަކެއް ކަމުގައެވެ.
އަދި ފުލުހުންވަނީ ބުލީކުރާތަން ފެންނަ ވީޑިއޯ ސޯޝަލް މީޑިއާގައި ދައުރު ނުކުރުމަށްވެސް އެދިފައެވެ.
