ކުރިޔަށް އޮތް ފިތުރު ޢީދުގެ މުޒާސަބަތާއި ދިމާކޮށް މާލެއާއި ސިޓީތައް އަދި އަތޮޅުވެރިކަން ކުރާ ރަށްތައް އީދަށް ދިއްލާލައިފިއެވެ. މާލެއާއި ސިޓީތައް އަދި އަތޮޅުވެރިކަން ކުރާ ރަށްތައް ރަސްމީކޮށް ދިއްލާލުން އިފްތިތާހު ކޮށްދެއްވީ މިރޭ ޖުމުހޫރީ މައިދާނުގައި ބޭއްވުނު ރަސްމިއްޔާތެއްގައި ރައީސް މުއިއްޒުއެވެ.
ސިޓީތަކާއި ވެރިކަންކުރާ ރަށްތައް ފިތުރު އީދަށް ދިއްލުން ފައްޓަވައިދެއްވުމަށް ޖުމްހޫރީ މައިދާނުގައި ބޭއްވި ހަފުލާގައި ވާހަކަފުޅު ދައްކަވަމުން ރައީސް މުއިއްޒު ވިދާޅުވީ ސަރުކާރުގެ ކެރި ފޯރުންތެރިކަން ހުރި މިންވަރަކުން، މި އަންނަ އަހަރަށް އަދި އަޟްހާ އީދަށް ދިއްލާ ރަށްތައް މިއަށްވުރެ ގިނަ ކުރާނެ ކަމުގައެވެ.
މި ހަފްލާގައި ރައީސް ވިދާޅުވީ، މި އަހަރުގެ ފިތުރު އީދާ ދިމާކޮށް ސިޓީތަކާއި ވެރިކަން ކުރާ ރަށްތައް ދިއްލާލި ނަމަވެސް އަޟްހާ އީދަށް އެއަށްވުރެ ގިނަ ރަށްރަށް ދިއްލާލަ ދެއްވާނެ ކަމުގައެވެ.
ޖުމްހޫރީ މައިދާނުގެ ފައްވާރާ ނުވަތަ ފެންއަރުވާ ވަޑާން އަލުން ވަނީ މިރޭ ރައީސް ހުޅުއްވައިދެއްވާފަ އެވެ.
ޖުމްހޫރީ މައިދާނުގައި ހުންނަ މި ފެންއަރުވާ ވަޑާން ހުޅުވީ ކުރީގެ ރައީސް އަބްދުﷲ ޔާމީންގެ ވެރިކަމުގައެވެ. އޭރު މިހާރުގެ ރައީސް ޑރ. މުހައްމަދު މުއިއްޒު ހުންނެވީ ހައުސިން މިނިސްޓަރުގެ މަގާމުގައެވެ.
