ޕީޕަލް ނެޝަނަލް ފްރޮންޓު (ޕީއެންއެފް) ގެ ވަގުތީ ރައީސަކަށް ކުރީގެ ރައީސް އަބްދުﷲ ޔާމީންގެ ދަރިކަލުން ޒޭން ޔާމީން އިންތިހާބުކޮށްފިއެވެ.
އެ ޕާޓީގެ ވަގުތީ ރައީސަށް ޒެއިން އިންތިހާބުކުރި މިރޭ، ޕީއެންއެފް އުފެއްދުމަށް ރާޅުގަނޑު ސަރަހައްދުގައި ބޭއްވި ޖަލްސާގައެވެ. ވަގުތީ ރައީސަކަށް ޒެއިން އިންތިހާބުކުރި ޖަލްސާގައި ބައިވެރިވެވަޑައިގެންނެވި 326 މެންބަރުންގެ ވޯޓުންނެވެ.
ޕާޓިގެ ރައީސްގެ އިތުރުން ޓްރެޝަރާ އާއި، ސެކްރެޓަރީ ޖެނެރަލް އަދި ރެޖިސްޓްރާގެ މަގާމަށްވެސް މެންބަރުން އައްޔަން ކޮށްފައިވެއެވެ. ސެކްރެޓަރީ ޖެނެރަލްގެ މަގާމަށް އައްޔަންކޮށްފައިވަނީ ޕީއެންފީ އުފެއްދުމުގައި އިސްކޮށް ހަރަކާތްތެރިވެވަޑައިގަންނަވާ ކުރީގެ ކޮމިއުނިކޭޝަން މިނިސްޓަރު މުހައްމަދު މަލީހް ޖަމާލްއެވެ.
އަދި ރެޖިސްޓްރާގެ މަގާމަށް އައްޔަން ކޮށްފައިވަނީ އަލީ ޝިޔާން ނާޝިދެވެ. އަދި ޓްރެޝަރާއެއްގެ މަގާމަށް އައްޔަން ކޮށްފައިވަނީ އަހުމަދު މުސްތަފާ މުހައްމަދެވެ.
