ދޮގު ވާހަކަ ފަތުރައިގެން އެމްޑީޕީއިން އެންޓި ކެންޕެއިން ކުރަމުންދާކަމަށާއި އެމައްސަލަ އިލެކްޝަންސް ކޮމިޝަނަށް (އީސީ)އަށް މައްސަލަ ހުށަހަޅާނެ ކަމަށް ޕީއެންސީން ބުނެފިއެވެ.
ޕީއެންސީން މިއަދު ކުރިއަށްގެންދިޔަ ނޫސްވެރިންގެ ބައްދަލުވުމުގައި މަޖިލީހުގެ އިންތިހާބުގެ ކެމްޕޭން ސްޕޯކްސްޕާސަން ހީނާ ވަލީދު ވިދާޅުވީ ކުރިޔަށް އޮތް މަޖިލިސް އިންތިޚާބުގެ ކެމްޕޭންގައި އިދިކޮޅު އެމްޑީޕީން އެންޓި ކެމްޕޭން ކުރަމުން ގެންދާކަށާއި ދޮގު ވާހަކަތައް ފަތުރައިގެން އެމްޑީޕީން އެންޓި ކެމްޕޭން ކުރަމުން ގެންދާކަމަށެވެ.
އެގޮތުން ސޯޝަލް މީޑިއާގެ އެކި ޕްލެޓްފޯމް ތަކުގައި ލާރި ދީގެން، ޕީއެންސީއާ ދެކޮޅަށް ދޮގު ވާހަކަތައް ދައްކާ އެންޓި ކެމްޕޭން ކުރަމުން ގެންދާ ކަމަށް ހީނާ ތުހުމަތު ކުރެއްވިއެވެ.
ހީނާ ވިދާޅުވީ އެންޓި ކެމްޕޭން ކުރުމަކީ ގާނޫނާވެސް ހިލާފު ކަމެއް ކަމަށާއި އެހެންކަމުން މިފަދަ މައްސަލަތައް އިލެކްޝަންސް ކޮމިޝަނަށް ހުށަހެޅުމަށް ނިންމާފައިވާ ކަމަށެވެ.
ރައްޔިތުންގެ މަޖިލީހުގެ އިންތިހާބުގެ ކެމްޕޭން އެމްޑީޕީން އަދި ޕީއެންސީން އަންނަނީ ފޯރީގައި ކުރިއަށް ގެންދަމުންނެވެ.
ރައްޔިތުންގެ މަޖިލީހުގެ އިންތިހާބު ބޭއްވުމަށް ހަމަޖެހިފައިވަނީ އޭޕްރިލް 21 ވަނަ ދުވަހުއެވެ. 20 ވަނަ މަޖިލިސް އިންތިހާބުގައި ޖުމްލަ 368 ކެންޑިޑޭޓުން ވާދަކުރެއެވެ.
